Latgolā nu muola teik veiduota domino spēle ar latvju rokstu zeimem

Latgolā nu muola teik veiduota domino spēle ar latvju rokstu zeimem

Napylna goda laikā ir puordūti apmāram 600 nu muola izveiduoti domino spēlis komplekti ar latvju rokstu zeimem, biznesa portalam “Nozare.lv” stuosta Rēzeknis nūvoda Ūzulmuižys pogostā asūšuo muola trauku, rūtu, suveniru i spēļu ražuotuoja SIA “Podusēta” īpašneica i vaļdis prīšksādātuoja Aiga Dātava.

Domino spēle ar latvju zeimem izstruoduota i suokta tierguot pārņ rudinī. Spēlis izejmaterials ir muols, i taipat kai itei spēle, ari cyti uzjāmuma izstruoduotī prīškmati ir piļneibā rūku dorbs.

Spēlē ir īkļautys septenis latvju zeimis – Jumis, Muora, Dīva zeime, Austra, Ūseņš, Guņskrysts i Saule. “Ituos zeimis ir vysspieceiguokuos i maņ personeigi vystyvuokuos, partū tuos ari īkļuovu,“ skaidroj Aiga Dātava.

Uzjāmums plānavoj izstruoduot domino spēles komplektu ari ar slāvu simboliku i skandinavu simboliku, izstruoduotūs dizainus pīduovojūt attīceigajim mierktiergim – Krīvejai i Skandinavejis vaļstim. Tok, pyrms suokt konkretu vaļstu voi kulturu dizaina izstruodi, “Podusēta” plānavoj nūdybynuot cīšus kontaktus ar īspiejamajim eksporta sadarbeibys partnerim.

Kartenis, kuruos radzama spēle, var apsavērt uzjāmuma sātys lopā.

Domino spēli ar latvju zeimem itūšaļt var īsaguoduot vītejū dizainu i omotnīceibu populariziejušajūs veikalūs, kurūs var īsaguoduot vysaidys Latvejā ražuotys precis, “Abra” i “Riija”, kai ari škārsteikla veikalā www.mojo-jojo.lv. Atkareibā nu tierguotuoja spēlis cena par vīnu domino komplektu variej nu 18 leidz 21 eiro.

Print Friendly, PDF & Email

Kalenders

May
21
Ūtr
15:00 Izstuodis “Juoņs nu Dzeņagola” a... @ Latgolys Kulturviesturis muzejs
Izstuodis “Juoņs nu Dzeņagola” a... @ Latgolys Kulturviesturis muzejs
May 21 @ 15:00 – 16:30
Izstuode byus veļteita muokslinīkam i literatam Juoņam Trūpam (1924-1989), pīmynūt jū symtgadē. Koč i sovys dzeivis leluokū daļu J. Trūps ir pavadejs trymdā, dzeivuodams ASV natuoli nu golvyspiļsātys Vašingtonys, vystik vysu sovu rodūšū darbeibu, breivū[...]
22:05 Annele Slišāne. Tuoraga stuosti.... @ Latvejis Radio 1
Annele Slišāne. Tuoraga stuosti.... @ Latvejis Radio 1
May 21 @ 22:05 – 23:00
Annele Slišāne. Tuoraga stuosti. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
22
Tre
22:05 Egita Kancāne. Syltuo mola. Rade... @ Latvejis Radio 1
Egita Kancāne. Syltuo mola. Rade... @ Latvejis Radio 1
May 22 @ 22:05 – 23:00
Egita Kancāne. Syltuo mola. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
23
Cat
22:05 Valentins Lukaševičs. Casnāgu ma... @ Latvejis Radio 1
Valentins Lukaševičs. Casnāgu ma... @ Latvejis Radio 1
May 23 @ 22:05 – 23:00
Valentins Lukaševičs. Casnāgu maizeitis. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]