“Gaismys pili” nūvodu dīnā atkluos ari latgalīši

“Gaismys pili” nūvodu dīnā atkluos ari latgalīši

Itei nedeļa ir Latvejis Nacionaluos bibliotekys (LNB) aba “Gaismys piļs” atkluošonys nedeļa. Tuos ītvorūs 28. augustā nu 12.00 leidz 21.00 LNB nūtiks Nūvodu dīna. Vysā bibliotekys ākā byus apsaverami Latgolys, Vydzemis, Kūrzemis, Zemgalis i Sielejis muziķu, muokslinīku, uzjiemieju, omotnīku, akteru prīšknasumi. Latgalīšus itamā dīnā varēs satikt bibliotekys 3. stuovā.

12.30-18.00 ASIARES laseitovā, Periodikys laseitovā ar muzykalim i teatralim prīšknasumim prīcynuos Daugovpiļs nūvoda Skrudalīnys pogosta vokalais ansamblis “Līgaviņas”, Daugovpiļs nūvoda Vabalis pogosta amatīrteatris “Nagaidama prīca”, 15.30 laseituovā uzastuos Latgolys Studentu centra folklorys kūpa “Ceidari”, 18.00 Cyblys nūvoda Cyblys tautys noma folklorys kūpa “Ilža”, bet 18.30 folklorys kūpa “Egle” nu Bolvu, kas dzīd senejuos, unikaluos Zīmeļlatgolys tautys dzīsmis.

3. stuova vestibilā 12.30-15.00 byus vareiba pīsadaleit Daugovpiļs nūvoda Naujenis Nūvodpietnīceibys muzeja “Atmiņu darbneicā”, nu tīpat 12.30-14.00 byus īspiejams satikt ari Aivaru i Vēsmu Ušpeļus, Kroma kolna bruolisti, kai ari “Latgolys golda” vadeituoju Andri Meijeru. 14.30 vestibilā nūtiks Ludzys omotnīku centra petērņu peišonys darbneica.

328. telpā 12.30-16.00 muzicēs folklorys kūpa “Egle” nu Bolvu i Cyblys tautys noma folklorys kūpa “Ilža”, bet piečuok uzastuos akordeonistu ansamblis “Excelsus”. 17.00 tīpat byus laiks dejai myusu dīnu deju studejis “Dynamic hit” izpiļdejumā, bet 18.30 Valentina Lukaševiča dzeju skaiteis Ivars Logins.

Tehnologeju i dobyszynuotņu laseitovā byus vareibā vērtīs kinys. 12.30-14.30 ruodeis kinys “Kuozu muzykanti Latgolā”, “Maizis ceļš” i “Ols dareituoji Vabalis pogostā”, bet 16.15 demonstrēs režisora Vīstura Kairiša kinu “Pelikans tuksnesī”.

Ar vysu pasuokuma programu var īsapazeit ite.

Print Friendly, PDF & Email

Kalenders

May
28
Ūtr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 28 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24.