Vaļdeibai īsoka atbaļsteit “Latvejis Radejis” studejis izveidi Rēzeknē

Vaļdeibai īsoka atbaļsteit “Latvejis Radejis” studejis izveidi Rēzeknē

Sabīdriskuo konsultativuo padūme (SKP) īsoka vaļdeibai atbaļsteit “Latvejis Radejis” Latgolys regionaluos studejis izveidi Rēzeknē, ziņoj portals “Nozare.lv”.

Kai informej NEPLP, SKP sanuoksmē pīktdiņ, 22. augustā, tyka nūlamts īsaceit vaļdeibai atbaļsteit “Latvejis Radejis” regionaluos studejis Latgolā izveiduošonu, kab efektivuok ražuotu vītejai auditorejai pīmāruotu sabīdriskuo medeja saturu. Izveidojūt studeju, juostruodoj iz vysys sabīdreibys salīdejūšu saturu, kai ari juojem vārā kotra Latgolys regiona sovpateibys.

NEPLP lūceklis Dainis Mjartāns nūruoda, ka saskaņā ar “Latvejis Radejis” tehniskuos i juridiskuos dalis apriekinim “Latvejis Radejis” kapacitatis stiyprynuošonai jaunuos politikys iniciativai “Latgolys regionaluos studejis izveide i darbeibys nūdrūšynuošona” vajadzeigi leidzekli 187 648 eiro apmārā.

Apriekinuotuo summa sevī īkļaun studejis izveidi, tehniskū nūdrūšynuojumu, telpu īri i remonta izmoksys, autortīseibu moksuojumus, žurnalistu i tehniskuo personala izmoksys.

Mjartāns ari skaidroj, ka “Latvejis Radejis” Rēzeknis studejis izveidis mierkis ir informativuos telpys styprynuošona pīrūbežā, valstiskuos pīdereibys sajiutys styprynuošona Latgolys regionā dzeivojūšūs mozuokumtauteibu puorstuovu vydā, sabīdreibys salīdiešona i nacionaluos identitatis styprynuošona, kai ari latgalīšu rokstu volūdys saglobuošona, atteisteiba i lītuošona, kai tū nūsoka Elektroniskūs plošsazinis leidzekļu lykums.

Print Friendly, PDF & Email

Kalenders

Mar
28
Cat
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]
Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]