Sabīdriskuos organizacejis prosa leidzekļus Latvejis Radejis studejis izveidei

Sabīdriskuos organizacejis prosa leidzekļus Latvejis Radejis studejis izveidei

Divpadsmit Latgolys sabīdriskuos organizacejis nūsyutejušys viestuli Latvejis Republikys Ministru prezidentei Laimdotai Straujumai ar lyugumu atbaļsteit i pīškiert budžeta leidzekļus (jaunuos politikys iniciativys ītvorūs) Nacionaluos Elektroniskūs plošsazinis leidzekļu padūmis (NEPLP) i Latvejis Radejis (LR) īcerei izveiduot Latvejis Radejis regionalū studeju Latgolā (Rēzeknē), kab efektivuok ražuotu vītejai auditorejai pīmāruotu sabīdriskuo medeja saturu.

Studeja vajadzeiga, kab styprynuotu sabīdriskuo medeja kluotynbyutni Latgolā, uzrunojūt klauseituojus, kas pakļauti agresivai uorvaļstu propagandai.

Studeja piļdeitu sabīdriskū pasyutejumu LR4 i puorejom LR programom, taidā veidā styprynojūt Latgolys informativū sasaisti ar puorejim Latvejis regionim, kai ari Elektroniskūs plošsazinis leidzekļu lykuma 71. pantā nūsaceitū praseibu nūdrūšynuot latgalīšu rokstu volūdys kai viesturiska latvīšu volūdys paveida saglobuošonu, aizsardzeibu, atteisteibu i lītuošonu.

1.Bīdreiba “Latgolys Producentu Grupa” (Guntis Rasims)
2.Bīdreiba “Latgolys Studentu centrs” (Dagneja Bramane)
3.Bīdreiba “Kukuži” (Oskars Orlovs)
4.Bīdreiba “Upītes jaunīšu folkloras kūpa” (Andris Slišāns)
5.Bīdreiba “Kūzuls” (Valentina Kirsanova)
6.Bīdreiba “Latgolys Saeima”  (Tenis Bikovskis)
7.Latgalīšu rokstu muzejs (Pīters Lōcis)
8.Bīdreiba “Latgales tradicionālās kultūras centrs “Latgaļu sāta”” (Astrīda Vucina)
9.Latgolys kulturys centra izdevnīceiba (Juoņs Elksnis)
10.Bīdreiba “Zvejsalas mākslas galerija” (Osvalds Zvejsaļnīks)
11.Bīdreiba “Mediju radošā studija” (Ināra Groce)
12.Bīdreiba “Tautas muzikantu biedrība” (Iveta Dukaļska)

Print Friendly, PDF & Email

Kalenders

May
21
Ūtr
15:00 Izstuodis “Juoņs nu Dzeņagola” a... @ Latgolys Kulturviesturis muzejs
Izstuodis “Juoņs nu Dzeņagola” a... @ Latgolys Kulturviesturis muzejs
May 21 @ 15:00 – 16:30
Izstuode byus veļteita muokslinīkam i literatam Juoņam Trūpam (1924-1989), pīmynūt jū symtgadē. Koč i sovys dzeivis leluokū daļu J. Trūps ir pavadejs trymdā, dzeivuodams ASV natuoli nu golvyspiļsātys Vašingtonys, vystik vysu sovu rodūšū darbeibu, breivū[...]