“Vēstures mirkļu pieturā” itūreiz par vieliešonom

“Vēstures mirkļu pieturā” itūreiz par vieliešonom

Oktobra pyrmuos dīnys ir paguojušys dīzgon saspryngtā jutūnē – ir nūtykušys Saeimys vieliešonys, piec skaita jau divpadsmytuos. 14. oktobrī “Vēstures mirkļu pieturā” byus vareiba īsavērt Latvejis paguotnē, kas saistuos i ar pošvaļdeibu vieliešonom, i Saeimys vieliešonom. Latgalīši jau nu 20. gs. suokuma aktivi īsasaistejuši vaļsts i pošvaļdeibys politiskajā dzeivē i veiduojuši sovys partejis – pyrmuo latgalīšu parteja “Latgolys Dorba ļaužu parteja” tyka izveiduota 1917. godā. Kūpumā pyrmuos Latvejis breivvaļsts laikā (1920 – 1940) beja izveiduotys i dorbuojuos vaira kai pīcpadsmit latgalīšu partejis i tūs puorstuovi aktivi aizstuovēja Latgolys tīseibys Saeimā.

Taipat ari politiskuo rūseiba nūtyka Rēzeknis piļsātā, kur Latvejis pyrmuos breivvaļsts laikā Rēzeknis piļsātai bejuši ostoni vadeituoji, nu cik tūs ir bejs atjaunuotajā Latvejis Republikā? Rēzekne ir vīna nu dažom pošvaļdeibom, kur vieliešonys ir nūtykušys atkuortuoti (2005. godā), nu, voi itei ir vīneiguo reize i parkū? Tū varot izzynuot “Vēstures mirkļu pieturā” Latgolys Kulturviesturis muzejā, kas byus veļteita Saeimys i pošvaļdeibu vieliešonom, saleidzynojūt, kai tuos nūtyka i Latvejis pyrmuos breivvaļsts laikā, i myusu dīnuos – cik i kaidys vieliešonys ir bejušys Rēzeknē i Latvejā, kaidys partejis ir veiduojuši latgalīši i kas beja tī, kas puorstuovēja vālātuojus vaļsts i pošvaļdeibu leimenī, taipat ari, kai tyka “īspaiduota” vālātuoju izviele – nu reali padareitu dorbu leidz bolsu pierkšonai.

“Vēstures mirkļu pietura” 14. oktobrī 14.00. Īīšona: pīaugušajim 1,50 EUR, školānim 0,80 EUR.

Karteņa nu LKM kruojuma – Rēzeknis piļsātys vaļdis darbinīki 30. godūs

Print Friendly, PDF & Email

Nūtikšonu kalendars

Jun
3
Sai
19:00 Latgolys zaļumballe @ Lūznovys muiža
Latgolys zaļumballe @ Lūznovys muiža
Jun 3 @ 19:00 – 23:00
Sastdiņ, 3. junī, Lūznovys muiža atkluos vosorys sezonu ar Latgolys zaļumballi muižys parkā. Zaļumballē muzicēs Rēzeknis pyutieju kvartets, Igauņu saimis kapela i grupa “Vectēva papirosi”.   Īīšonys moksa zaļumballē 4 eiro, beleti nūpierkami “Biļešu Paradīzes”[...]
19:00 Pruota spielis @ Rancāna pogolms
Pruota spielis @ Rancāna pogolms
Jun 3 @ 19:00 – 22:00
Pruota spielis @ Rancāna pogolms
3. junī iz “Pruota spēlem” aicynoj jaunuo kulturvīta Rēzeknē “Rancāna pogolms”.   Pruota spēlēs “Voi esi gudruoks par trešklasnīku” var pīsadaleit komanduos, tūs vālamais lelums ir 4–6 cylvāki. Bolvys – vierteigi gordys. Komandu dasaceišona, zvonūt[...]