Daugovpilī vareiba sasatikt ar muokslineicu Gertrūdi Zeili

Daugovpilī vareiba sasatikt ar muokslineicu Gertrūdi Zeili

23. oktobrī 15.00 Daugovpiļs Nūvodpietnīceibys i muokslys muzejā nūtiks sasatikšona ar muokslineicu Gertrūdi Zeili. Pīsadaleit pasuokumā aicynuoti vysi interesenti i muokslys cīneituoji.

Muokslineicys Gertrūdis Zeilis gleznu personalizstuodis “Gleznas. Mans laiks” atkluošona Daugovpiļs muzejā nūtyka 2014. goda 18. septembrī.

Zeile pīdar pi latvīšu myusu dīnu gleznīceibys muokslinīku videjuos paaudzis. Tok jei ir sova ceļa guojieja. Ar sovu muokslinīciskuos dūmys puorsteidzūšū vīnkuoršeibu, smogniejeibu i suokumā iz reizis neradzamu i partū mulsynūšu satura dziļumu, kas atsasadz pakuopeniski, nūsaglobuojs kompozicejis, lakoniska zeimiejuma i kruosys volūdā. Izstuodē ir apsaveramys skaistys i boguoteigys gleznys, kurymuos jiutama goreiga saite ar Latgolu.

Pasuokuma dalinīkim byus unikala vareiba īsapazeit ar zynomū nūvodneicu i nu pyrmolūta izzynuot par juos dzeivis i muokslys ceļa gaitom, aizdūt vaicuojumus i klauseitīs talanteiguos gleznuotuojis aizraujūšā stuostejumā.

Vysi laipni aicynuoti iz sasatikšonu ar Gertrūdi Zeili catūrtdiņ, 23. oktobrī, 15.00 Daugovpiļs Nūvodpietnīceibys i muokslys muzeja izstuožu zalā, Reigys īlā 8.

Zeilis izstuode “Gleznas. Mans laiks” byus apsaverama leidz 27. novembram.

90feac83e1f3fcb74128f62bff185fc3
Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.