Nu 29. oktobra leidz 1. novembram Rēzeknis nūvoda Čornajis pogosta “Azarkrostūs” nūtiks jau par tradiceju palykušais Rēzeknis nūvoda gitaristu forums, kurā sevkurs jaunīts var pīsadaleit vysaiduos meistarklasēs. Dasasaceišona leidz 24. oktobram.

Foruma mierkis ir popularizēt gitarspēli, puļcēt tuos interesentus, kai ari papyldynuot zynuošonys i prasmis dažaidu instrumentu spēlē.

Pīsadaleit var jaunīši vacumā nu 12 leidz 30 godim ar prīškzynuošonom gitarspēlē, tok prīškrūka tiks dūta Rēzeknis nūvodā dzeivojūšajim.

Meistarklasis vadeis taidi muzykys eksperti kai Arņs Slobožanins (Dabasu Durovys), Alvis Bernāns (Green Novice), Kristaps Rasims (Bez PVN), Ingars Gusāns (Sovvaļnīks), David Whitlock (Echoreason), Jēkabs Kacens i Edgars Viļums.

Kab dasasaceitu, juosyuta dasacejuma anketa iz e-postu guntis.rasims@saskarsme.lv