2. novembrī 16.00 Latgolys viestnīceibys GORS Lelajā zalā ar koncertprogramu “Zīmeļu trāpuo sveļme” uzastuos Līpuojis Simfoniskais orkestris.

Koncerprogramā “Zīmeļu trāpuo sveļme”, kas izskanēs koncertcykla “Lelū dzintaru gaidūt” skaņuos, kluotyn Baļtejā vacuokajam orkestram pīsadaleis ari vejūļneica no Dānejis Kristīna Ostranda, nu orkestri dirigēs vuocīts Lucs Kēlers. Koncerta programā izcylūs zīmeļnīku dorbi: Žana Sibēliusa “Simfoniskuo poema “Sūmeja” op. 26” i “Ūtruo simfoneja Re mažorā op. 43” i Karla Nilsena “Koncerts vejūlei i orkestram”.

Sūmu muzykys miļža Žana Sibēliusa simfoniskī dorbi pīstuov vālam rudiņam – tymūs ir pa putyna dzīsmei, vieja aukai i lopu virpuļam, i tūs rakstejs spieceigs veirs ar pamateigu zīmeļnīka rūku. Publikai labi zynomais vuocu maestro Lucs Kēlers izavieliejs popularū Ūtrū simfoneju i vēļ popularuokū poemu “Sūmeja”. Kluotyn – dāņu gaškys Kristīnys Ostrandys spālātuo Stradivari vejūle Karla Nilsena elegantajā “Vejūļkoncertā”.

Koncertprogramys dalinīki:

Līpuojis Simfoniskais orkestris ir klasisks simfoniskais kolektivs, kas nas dyžuo Eiropys simfonisma tradicejis. Orkestra spāks ir kompetence Eiropys klasiskuos i romantiskuos muzykys atskaņuošonā. Džeza i rokmuzykys stilistikys puorvaļdeišona ļaun tam uzrunuot lelys auditorejis i rast vys jaunus Līpuojis Simfoniskuo orkestra draugus. Skanis mīlesteiba Līpuojis Simfoniskū orkestri vīnoj ar cylvākim vysā pasaulī naatkareigi nu vacuma, uodys kruosys voi nūsadorbuošonys. Ar Līpuojis Simfoniskū orkestri pārnejuo goda majā suocēs ari Latgolys viestnīceibys GORS skaniskais stuosts.

Lucs Kēlers (Lutz Koehler), kurs muzykys pasaulī zynoms ari kai izcyls fagotists, itūšaļt ir Berlīnis Muokslu Universitatis profesors, kur struodoj jau nu 1999. goda, jis bejs ari LSO muokslinīciskuo vadeituoja Atvara Laksteigolys pasnīdziejs. Vaira nakai 25 godus bejs Eiropys Savīneibys Jaunīšu simfoniskuo orkestra direktors, Londonys Karaliskuos muzykys akademejis golvonais gostu dirigents i gūda bīdrs, Karaliskuos Skotejis Muzykys i teatra akademejis Glāzgovā gūda dirigents, Minhenis storptautiskuo muzykys konkursa vaļdis prīšksādātuojs i Vuocejis Muzykys padūmis gūda lūceklis, Hannoveris Muzykys i teatra universitatis profesors.

Kristīna Ostranda (Christina Åstrand) ir vīna nu Skandinavejis īvāruojamuokajom vejūļneicom. Nu juos debejis laika 1990. godā, Kristīna bīži ir vodūšūs Skandinavejis orkestru solo vejūļneica, vysod pīškirūt atskaņuotajai muzykai personeigu interpretaceju. Vairuoki dāņu komponisti sovus dorbus radejuši i veļtejuši Ostrandai. Niu tik septembrī vejūļneica pīdzeivuojuse debejis koncertu ASV kūpā ar Čikāgys Filharmonejis orkestri, nu novembra suokuos byus gotova stuotīs iz Latgolys viestnīceibys GORS skotuvis kūpā ar Līpuojis Simfoniskū orkestri.

Beleti iz koncertu nūpierkami Latgolys viestnīceibys GORS i “Biļešu Paradīzes” kasēs, kai ari www.bilesuparadize.lv. Beletu cena: 3,00–7,00 €.