Šudiņ, 5. novembrī, 16.00 Latgolys Centraluos bibliotekys Periodikys laseitovā nūtiks Daugovpiļs Universitatis Muokslys i dizaina katedrys vadeituojis Aurikys Jelinskys personalizstuodis “Sīvītei” atkluošona.

Jau nu bierneibys zeimiešona ir naatjemama Aurikys Jelinskys dzeivis sastuovdaļa. Studejūt Daugovpiļs Universitatē i vuicūtīs vysaidus studeju prīškmatus, zeida apgleznuošona aba batika, kluotyn pasteļkreitenim, kruosainajim zeimulim, tušai, pyldspolvai i ellis tehnikai, palyka par vēļ vīnu īmeiļuotu izteiksmis i īdvasmys olūtu muokslineicys dorbūs. Vysūs dorbūs dominej zīdu motivi, partū ka, piec autoris dūmom, storp zīdim i sīvītem var drūši likt vīnaiduojuma zeimi.

Izstuodē “Sīvītei” skateituoju viereibai teik pīduovuoti pādejūs četru godu laikā apgleznuotī skusti.

Izstuode LCB Periodikys laseitovā byus apsaverama leidz 30. novembram.