Rēzeknis Muokslys i dizaina vydsškolai – 55

Rēzeknis Muokslys i dizaina vydsškolai – 55

1959. gods – darbeibu suoc Reigys lītiškuos muokslys vydsškolys Rēzeknis filiale. Itūs godu laikā škola ir palykuse par nūzeimeigu i svareigu Austrumlatvejis kulturys i izgleiteibys centru. 2014. gods – Rēzeknis Muokslys i dizaina vydsškola mainuos vizuali, turpynoj pylnveiduot tradicejis, īvīš inovacejis muokslys i dizaina pasaulī.

Atzeimojūt školys 55. godadīnu, 28. novembrī 11.00 suoksīs storptautiskuo konfereņce “Rēzeknis Muokslys i dizaina vydsškola rodūšai Latgolai i pasauļam” veļteita rodūšuos industrejis atteisteibys tendeņcem i kulturizgleiteibys īstuožu nūzeimei ituos industrejis pamatu veiduošonā. Konfereņcē pīsadaleis školys absolventi – na tik Latvejā, nu pasauļa mārūgā zynomi muokslinīki i dizaineri: mūdis dizainere Indra Salceviča, dizainers Reno Lazdiņš, tekstilmuokslinīks Rolands Krutovs, muokslineica Magone Boleiko.

Sovukuort arhitekts, Latgolys viestnīceibys GORS autors Uldis Balodis stuosteis par Rēzeknis piļsātvidis dizaina i arhitekturys tendeņcem i vītu Eiropys arhitekturys telpā, muokslys viesturneica Evija Vasilevska īsavērs Latgolys pūdnīceibys atteisteibā, muokslys zynuotneica Ingrīda Burāne – muokslys procesūs. Byus gosti nu Daugovpiļs Marka Rotko muokslys centra i Lītovys piļsātys Utenys. Konfereņce nūtiks Rēzeknis Muokslys i dizaina vydsškolys zalā.

Nu sastdiņ, 29. novembrī, 16.00 absolventi, asūšī i bejušī pedagogi, darbinīki i audziekni teik gaideiti iz jubileja svineigū pasuokumu.

Par školu, tuos absolventim i pedagogim stuosteis ari jaunuo gruomota “Rēzeknes Mākslas un dizaina vidusskola radošās industrijas procesos”.

Print Friendly, PDF & Email

Kalenders

Mar
2
Sai
18:00 Latgalīšu kulturys goda bolva “B... @ Latgolys viestnīceiba "Gors"
Latgalīšu kulturys goda bolva “B... @ Latgolys viestnīceiba "Gors"
Mar 2 @ 18:00 – 20:30
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]
21:15 Latgalīšu kulturys goda bolva “B... @ LTV1
Latgalīšu kulturys goda bolva “B... @ LTV1
Mar 2 @ 21:15 – 23:15
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]