XIX Jaunradis deju konkursa pyrmuo kuorta nūsaslēgs Rēzeknē

XIX Jaunradis deju konkursa pyrmuo kuorta nūsaslēgs Rēzeknē

6. decembrī 14.00 Rēzeknis Kulturys nomā nūsaslēgs XIX Jaunradis deju konkursa pyrmuo kuorta, kurymā pīsadaleis 13 jaunī horeografi i 7 horeografi ar pīredzi.

Konkursam dasaceitys 32 dejis, kurys izdoncuos kolektivi: Atvasara, Dziga, EGA, Labākie gadi, Laismeņa, Līgo, Rezgaļi, Rugāji, Sadancis, Sunta, Teiksma, Vadži, Vīmyns i Žeperis.

Dejis viertēs žūrejis prīšksādātuoja, Vyspuorejūs latvīšu Dzīšmu i Deju svātku Gūda viersvadeituoja, horeografe, Reigys Pedagogejis i izgleiteibys vadeibys akademejis studeju prorektore, profesore Rita Spalva, Dzīšmu i Deju svātku Gūda viersvadeituoja, horeografe, Reigys piļsātys deju kolektivu viersvadeituoja Ingrīda Edīte Saulīte, horeografs, Tautys deju ansambļa “Teiksma” muokslinīciskais vadeituojs, Reigys piļsātys deju kolektivu viersvadeituojs Jānis Ērglis, horeografe, “Indras Reinholdes kamerbaleta” muokslinīciskuo vadeituoja Indra Reinholde i Jāzepa Vītola Latvejis Muzykys akademejis horeografejis katedrys lektore Valda Vidzemniece.

Konkursa pyrmajā daļā nūteik atkluots konkurss, nu ūtrajā daļā deju autorim ir vareiba uzklauseit žūrejis viertiejumu, tikt pi atziņu i dzierdēt īsacejumus.

XIX Jaunradis deju konkursa II kuorta-finals nūtiks 2015. goda 24. janvarī Valmīrys Kulturys centrā.

Jaunradis deju konkurss deveņpadsmit godu laikā palics par vīnu nu nūzeimeiguokajom nūtikšonom latvīšu dejis nūzarē. Konkursa aizdavums ir nūdrūšynuot muokslinīciski augstvierteiga repertuara izveidi Latvejis tautys deju kolektivim, stimulēt horeografus jaunradis dorbam i sadarbeibai ar komponistim.

XIX Jaunradis deju konkursu reikoj Latvejis Nacionalais kulturys centrs sadarbeibā ar Ūgris nūvoda dūmi, Tukuma nūvoda dūmi, Rēzeknis piļsātys dūmi i Valmīrys piļsātys pošvaļdeibys īstuodi Valmīrys Kulturys centru.

Karteņā: Deju kūpa “Dziga” Rēzeknis piļskolnā (foto: Maija Upeniece)

Print Friendly, PDF & Email

Kalenders

May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24. 
May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]