Nu 3. leidz 31. decembram Latgolys Centraluos bibliotekys Periodikys laseitovā byus apsaverama školuotuoju Oksanys Barkovskys, Tatjanys Kovalevskys, Irinys Pavelko i Aļonys Styurainis poštaiseitūs leļu izstuode.

Bārni spielejās ar lelem partū, ka jim tys saguodoj prīcu, nu parkū tū dora pīaugušī?

Varbyut partū, ka kotrā nu mums dzeivoj bārns, kurs pasaaudzs beidzūt spiej sasajimt i realizēt sovys dzili sirdī apslāptuos fantazejis, kas breivajā laikā puortūp vysaiduos lelēs. Varbyut tei ir pīauguša cylvāka vareiba atsagrīzt bierneibā?

Kotra nu Latgolys Centralajā bibliotekā apsaveramajom lelem ir ilgstūša i ryupeiga dorba rezultats, autora praktiskūs īmaņu i fantazejis apvīnuojums. Sevkura poštaiseituo lele ir ar sovu individualitati, ar tik tai rakstureigu nūskaņu i emocejom.