Ceļojūšuo fotoizstuode “Latgolys bibliotekars – rodūšuma olūts” apsaverama Rēzeknē

Ceļojūšuo fotoizstuode “Latgolys bibliotekars – rodūšuma olūts” apsaverama Rēzeknē

Leidz 8. janvaram Rēzeknis Centraluos bibliotekys abonementā apsaverama ceļojūšuo fotoizstuode “Latgolys bibliotekars – rodūšuma olūts”, kas mudynoj bibliotekarā īraudzeit goreigi pīpiļdeitu, rodūšu i īdvasmys boguotu kulturas darbinīku.

Izstuode itūvosor Daugovpilī tyka taiseita projekta “Latgolys regiona publiskūs biblioteku darbinīku konfereņce “Pi gaismys olūta veļdzētīs nuoc…”” ītvorūs. Pyrms tam sevkurs interesents tyka aicynuots īsyuteit kvalitativys kartenis, sovā redzīnī atkluojūt bibliotekarus i jūs profeseju, akcentejot tuos rodūšuma izpausmis.

Īsyuteituos kartenis izstuodei tyka atlaseitys konkursa kuorteibā. Izstuodē apsaverami vairuoku autoru dorbi, kurūs radzamys vysaidu Latgolys nūvodu i piļsātu bibliotekaris i kasdīnys dorbā, i cytuos šaļtīs. Tamā storpā ir ari Rēzeknis biblioteku darbineicys. Kūpumā izstuodē ītvartys 22 kartenis, 4 nu tom radzamys Rēzeknis bibliotekaris.

Daugovpilī izstuode tyka prezentāta 18. septembrī, kod tī nūtyka konfereņce, nu niu tei apceļoj Latgolys bibliotekys – jau ir pabejuse Naujenē, Preiļūs i Ludzā. Janvarī nu Rēzeknis Centraluos bibliotekys izstuode dūsīs tuoļuok iz Rēzeknis nūvoda Lendžu biblioteku.

Karteņa: Anna Romanovska

Kalenders

Jul
15
Ūtr
19:00 Leivuona piļsātys svātki @ Leivuons
Leivuona piļsātys svātki @ Leivuons
Jul 15 @ 19:00 – Jul 19 @ 23:45
Ar pylnu svātku programu var īpasazeit ITE.
Jul
17
Cat
19:00 Izruode “Mazpiļsāta” @ "Ulbrokas pērle"
Izruode “Mazpiļsāta” @ "Ulbrokas pērle"
Jul 17 @ 19:00 – 21:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]
Jul
18
Pīk
all-day Vikys Ekstys izstuode “Bēres Slo... @ galereja "Alma"
Vikys Ekstys izstuode “Bēres Slo... @ galereja "Alma"
Jul 18 all-day
Galerejā “Alma” byus apsaverama Reigys Fotografejis bienalis “Next 2025” programā īkļautuo Vikys Ekstys personalizstuode “Bēres Slobodā”. Izstuodis kuratore ir Astrīda Riņke. Dokumentalū video par ituos izstuodis dorbu kopiešonys procesu analogajā foto laboratorejā taisejs Kristians Fukss. [...]