Laura Bicāne ituo gods nūgalē, tyvojūtīs gaišajim svātkim, klauseituojim pīduovoj jaunu dzīsmi “Sniegpārsla”. Tei ir kompoziceja ar dzejneicys Egitys Terēzis Jonānis vuordim. Dzīsme stuosta par tyvumu i vīnkuoršu lītu simboliskumu. Tei poša mozuo snīgpuorsla ir sveicīņs nu dabasu aba kai skaņ dzīsmē: “kūstoša mīlas vēsts pasaulei”.

Dzīsme “Sniegpārsla” ir ari pyrmuo publycātuo dzīsme nu Laurys ūtruo albuma, kurs izīs nuokušuo goda aprelī. Albumā “Trīspuksti” tiks apkūpuotys 13 dzīsmis ar E. T. Jonānis vuordim. Jaunajā albumā īkļauta ari kaida eipaša dzīsme latgalīšu volūdā.

Jau ir īspiejams īsaguoduot beletus iz albuma prezentacejis koncertu, kurs nūtiks 2015. goda 17. aprelī Latgolys Viestnīceibā GORS. Vaira informacejis var atrast ite.

Dzīsmis īrokstā pīsadaleja: L. Bicāne (bolss, gitara), V. Indrišonoks (basgitara), D. Paškevičs (flauta). Miksēja i māsterēja: V. Indrišonoks.

Video:  A. Imaks