Kalado, kalado Zīmyssvātki atīdami

Kalado, kalado Zīmyssvātki atīdami

LaKuGa skaiteituoju viereibai pīduovoj latgalīšu tautys dzīsmis par Zīmyssvātkim i čyguonūs īšonu. Latgolā nu Zīmyssvātku, nu cytūs olūtūs nu Muorteņa dīnys ci Jaungoda, guoja čyguonūs ci kaļadnīkūs. Tai turpynuoja leidz Zvaigznis dīnai 6. janvarī. Cytur Latvejā čyguonūs guoja leidz Lendīņu Leluo gavieņa suokumam.

Zīmas svātki atnuokdami, kaļado!
Kū jī loba atnasdami?
Atnas pupas, atnas zierņus,
Atnas cyukas smecerīti.

***

Ku, muoseņ, niu darēsem,
Svātki nuok lejeņā;
Eime vaci, eime jauni,
Valkam svātkus kalneņā.

***

Čyguonūs laizdamīs,
Garu vylku kažuceņu,
Lai aug muni gari lini
Muolūtā kalneņā.

***

Pliesit skolus, kurit guni, kaļaduo,
kaļaduo!
Laidit Dīvu ustobā, kaļaduo,
kaļaduo!
Dīvām kuojis nūsolušys, kaļaduo,
kaļaduol
Aiz lūdzeņa klausūtīs, kaļaduo,
kaļaduo!

***

Čyguonūs laizdamīs
Treis kulītes leidza jiemu:
Vīnā dasas, ūtrā lyni,
Trēšā cyukas smecereite.
Dūdit gaļu, dūdit myltu
Malnai čygonkai.

***

Kūču, kūču, saiminīca,
Vai gaidēji čyguoniņu?
Čyguoniņu lela draudze,
Kur šūnakt gulējat?
Cyts zam prīdes, cyts zam egles.
Cyts uz sova vazumiņa.

***

Luoci, luoci, doncoj,
Saimenīks tev moksuos:
Svīsta kibu, maizes kaņci,
Pīci rubli naudas.

 

LaKuGys kolektivs vielej prīcys i saticeibys pylnus svātkus!

Kartena: XIV Storptautiskuo masku festivals, Dagdys nūvoda folklorys centrs

Print Friendly, PDF & Email

Nūtikšonu kalendars

Aug
16
Ūtr
20:00 Latgalīšu kukne @ tīšsaistē
Latgalīšu kukne @ tīšsaistē
Aug 16 @ 20:00 – 21:30
Latgalīšu kukne @ tīšsaistē
Vaira informacejis: ITE
Aug
18
Cat
20:00 Ūgys koncerts @ "Kaņepes Kultūras centrs"
Ūgys koncerts @ "Kaņepes Kultūras centrs"
Aug 18 @ 20:00 – 22:00
“Kaņepes Kultūras centra” duorzā – Ūgys koncerts. Pi puļts DJ MARTIN BIRCH.   Ūga īvalk klauseituoju Rēzeknis hiphopa kulturys kusteibā. Tei ir īlu muzyka, mīlesteiba i vīnuoteiba storp ituos kulturys pīkūpiejim. Vīneiguo sīvīte, kura repoj[...]