Sovvaļnīks taišni Zīmyssvātku laikā ir pabeidzs vēļ vīnu dzīsmi ar Latvejā zynomuos dzejneicys Annys Rancānis i latgalīšu tautysdzīsmis vuordim.

Jaunuo rokdzīsme “Kalado” ir babeņu dzeivisziņā baļsteits stuosts par vierteibom, kas izjiutamys ar sirdi, partū ka cīši izsaceitys var pagaisynuot sovu nūzeimi. Dzīsme stuosta ari par sovys identitatis saglobuošonu i napagaisynuošonu, puorvarūt tymsu, pat ka iz šaļti ir pagaisuse ticeiba i cereiba, kai ari par ciļvieciskū tyveibu goda vystymsuokajā laikā. Tū, cik byutiskai byut kūpā na tik svātkūs, atkluoj ari dzīsmis refrens kalado, kam pīmeit sasaukšonys i apvīnuošonys funkceja.

Dzīsme ir īraksteita sadarbeibā ar Latvejā zynomim skaņu režisorim Gintu Lundbergu i Gintu Stankeviču. Īrokstā pīsadola Sovvaļnīka grupys bīdri – Māris Lovniks (gitara), Artūrs Meļnikovs (bass) i Vadims Meļuščenkovs (bungys).

Juoatguodynoj, ka ari īprīkšejais Sovvaļnīka albums “Bolts susātivs” beja veļteits latgalīšu dzejnīkam Ontonam Kūkuojam i izguoja 2010. goda beiguos.