Aicynoj īsnēgt dorbus Latgolys regiona muokslys dīnu izstuodei

Aicynoj īsnēgt dorbus Latgolys regiona muokslys dīnu izstuodei

Jau trešu godu Daugovpiļs Marka Rotko Muokslys centrā byus apsaverama Latgolys regiona muokslys dīnu izstuode, kurys tema itūgod ir “Klaunade”. Izstuodē aicynoj pīsadaleit vysu medeju muokslinīkus i muokslys studentus. Dorbi īsnādzami da 15. marta. Kotrys autors dreikst īsnēgt ni vaira kai četrus dorbus.

Izstuode īcerāta kai spylgta i kruosaina, emocionala i breivdūmeiga regiona muokslinīku radeitūs dorbu skate, paruodūt lobuokū muokslinīciskū veikumu, kas radeits laikā nu 2013. da 2015. goda.

Izstuodis reikuotuoji cer, ka tuos tema ļaus muokslinīkam īsajust klauna tālā voi sovūs dorbūs saredzēt ar itū temu saisteitys uorejis i īškejis izpausmis muokslys volūdā realizietajūs dorbūs.

Iz izstuodis atkluošonys laiku tiks izdūts izstuodis katalogs. Nu izstuodis nūslāgumā atseviški dorbi, kas atbylst Daugovpiļs Marka Rotko Muokslys centra budžeta vareibai, tiks īpierkti centra kolekcejis papyldynuošonai.

Print Friendly, PDF & Email

Kalenders

Jul
21
Svā
16:00 Koncertizvadums “Atgriežamies La... @ Dzintaru koncertzāle
Koncertizvadums “Atgriežamies La... @ Dzintaru koncertzāle
Jul 21 @ 16:00 – 18:00
Latgolys cylvāku spāks i humora dzierksts, kai ari vaira nakai 100 nūspālātys “Latgola.lv” izruodis īdrūsynuojušys autorus taiseit koncertizvadumu “Atgriežamies Latgolā”. Itamā kompanejā ir apsavīnuojuši režisors Valdis Lūriņš, komponists Valdis Zilveris, dzīšmu tekstu autors Jānis Peters,[...]
Jul
26
Pīk
09:00 Annys Dagdā @ Dagda
Annys Dagdā @ Dagda
Jul 26 @ 09:00 – Jul 27 @ 23:45
Annys Dagdā @ Dagda