Turisma atteisteibys vaļsts agentura izveiduojuse videoklipus par vysim Latvejis kulturviesturiskajim nūvodim, tymā skaitā ari Latgolu.

Videoklipi aba videostuosti izveiduoti, suokumā vaicojūt rysynuojumu, kai koncentrātā veidā, spylgtā vizualā volūdā uzrunuot Latvejis prezidenturys Eiropys Savīneibys Padūmē uorvaļstu gostus i radeit jimt prīškstotu par Latveju kai pīviļceigu turisma golamierki. Itūšaļt videoklipus ar nacionalū turisma devīzi “Latvia. Best Enjoyed Slowly” (Izbaudi Latveju nasasteidzūt!) var nūsavērt Latvejis Nacionalajā bibliotekā, kur Briselis politikim i īriednim, uorvaļstu žurnalistim i cytim prezidenturys gostim tī nūdar par sovdabeigu myusu vaļsts vizitkarti.

Videoklipi radeiti TAVA sadarbeibā ar uzjāmumu “Magnafield”. Itūšaļt tī īskaņuoti angļu volūdā, nu byus ari titri latvīšu, vuocu i krīvu volūdā.