Tiks padūtys Latgolys Goda bolvys

Tiks padūtys Latgolys Goda bolvys

31. janvarī 16.00 Preiļu nūvoda kulturys centrā (Raiņa bulvarī 28) nūtiks ilgi gaideituo Latgolys Goda bolvys padūšonys ceremoneja.

Bīdreiba “Asmu Latgalīts” sajēme 35 pīteikumus nu vysys Latgolys par cylvākim, kuri sekmej Latgolys pasaceļšonu i struoduoj tuos lobā. Itī cylvāki vysod steidzās dedzeigai paleidzēt cytim i nalyudz nikuo preteimā. Komiseja ilgi sprīde par tū, kuri byus 7 Latgolys dzeivuotuoji, kuri tiks seviški sveicynuoti bolvu padūšonys ceremonejā. 31. janvarī mes dazynuosim, kurs ir tics par Latgolys goda jaunīti, Latgolys goda zemdari, Latgolys goda komersantu, Latgolys goda senioru, Latgolys goda sirds cylvāku, Latgolys goda varūni i Latgolys goda saimi. Pījimt sprīdumu beja eistyn gryutai, deļtuo ka kotrs ir peļnejs dabuot pīzeišonu par sovu dorbu. “Asmu Latgalīts” apsūla ryupētīs, kab kotrs nu cylvāku maneitu sevišku, meileigu svātku jutūni, deļtuo ka ceremoneja ir veļteita taišni cylvākim.

Organizatori grybātu Latgolys Goda bolvu puorgrīzt par eistim svātkim, deļtuo tamā izastuos i doncuotuoji, i dzīduotuoji. Storp tim grupa “Ginc un es”, dzīduošā Tihovsku saime, tautys deju kolektivs “Dancari”,  myusu laiku deju grupa “Asorti” i vysim zynomais Dainis Skutelis. Duovonys padūs Latvejā i Latgolā zynomi cylvāki. Iz Latgolys Goda bolvys padūšonys ceremoneju tyka īpraseiti Latvejis Republikys Satiksmis ministrs Anrijs Matīss, Latvejis Republikys Vidis aizsardzeibys i regionaluos atteisteibys ministrs Kaspars Gerhards, Latvejis Republikys Saeimys deputati Inese Laizāne, Janina Kurseite, Aldis Adamovičs, kai ari Latgolys pošvaļdeibys prīkšnīki.

Pasuocīņa programa:

15.00 – 16.00 Kopeja pauze, gostu sagaideišona

16.00 – 18.00 Duovonu padūšonys ceremoneja i koncerts

Pasuocīņa beiguos Latgolys kuknis prezentaceja nu “Latgolys kukne” (Ludza).

Print Friendly, PDF & Email

Kalenders

Jun
20
Cat
15:00 Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Jun 20 @ 15:00 – 16:30
20. junī 15.00 stuņdēs Daugovpiļs Nūvodpietnīceibys i muokslys muzejā tiks atkluota etnografejis izstuode nu muzeja kruojuma “Atpakaļ mājās”. Izstuodē eksponāti autentiski prīškmati, kas tyka lītuoti 20. g. s. pyrmajā pusē – dorbareiki, sadzeivis prīškmati. Etnografejis[...]