Muokslinīku Ušpeļu izstuode Valmīrā

Muokslinīku Ušpeļu izstuode Valmīrā

Catūrtdiņ, 5. februarī 16.00 Valmīrys muzeja Izstuožu nomā tiks atkluota Latgolys muokslinīku Vēsmys Ušpelis gleznu i Aivara Ušpeļa keramikys dorbu izstuode “Uorā bolts snīgs, “Malny wylky” ustobā”.

Vēsma Ušpele gleznoj tradicionalā ellis tehnikā iz audakla i kūka. Divejus godus beja vīna nu komandys lūcekļu Aglyunys Bazilikys restauracejā. Gleznoj zīdus, cylvākus i ainovys. Vēsmai pateik eksperimentēt ar materialim, tehniskim i vizualim izteiksmis leidzeklim, izmontuot senejis pamatnis jaunu dorbu izveiduošonai. Vēsma Ušpele izstruoduojuse Boņuka veidūlu i nu pyrmuos Latgalīšu kulturys goda bolvys padūšonys 2009. godā kūpā ar veiru nu muola ar rūkom veidoj golvonū bolvu – puisānu ar suneiti.

Aivars Ušpeļs ir vīns nu “Malny Wylky” breivpūdnīku. Dorbi teik radeiti i iz kuojmynamuos ripys, i teik veiduoti, lepejūt tūs ar rūkom. Pīcuos paaudzēs pūdnīceiba ir palykuse kai maizis dorbs, nu muols – kai izteiksmis leidzeklis. Muokslinīks īvāroj tradicejis i nalītoj ryupnīciskūs apstruodis pajiemīņus.

Ušpeli dzeivoj i struodoj Rēzeknis nūvoda Maltys pogostā. Jūs sāta nav parosta – senejī lauku kuormi leidzynojās nalelam, improvizātam breivdobys muzejam ar prasu i lukturu kolekcejom. “Eipašu garšu” sātai pīdūd malnais ceplis i saiminīku senejī vydslaiku kaujis tārpi.

Izstuode apsaverama da 3. marta.

Kalenders

Jun
21
Sai
11:00 Dyžonuo dīna “Līgo. Ziedēšana” @ Latvejis Etnografiskais breivdobys muzejs
Dyžonuo dīna “Līgo. Ziedēšana” @ Latvejis Etnografiskais breivdobys muzejs
Jun 21 @ 11:00 – 23:00
Īīšona nu 10.00 stuņžu.11.00 Īskaņa ar folklorys kūpom, sīra sīšona, vaiņuku veišona14.00 Dyžonuos dīnys atkluošonys koncerts16.00–19.00 Koncerti Kūrzemis, Zemgalis, Vydzemis nūvodu zemnīku sātuos i Latgolys solā.20.00 Juoņu dzīsmis ar grupu “TKP” / “Tā kā pērn”[...]
17:00 Saruna “Volūda i demokrateja” @ Sarunu festivals "Lampa"
Saruna “Volūda i demokrateja” @ Sarunu festivals "Lampa"
Jun 21 @ 17:00 – 18:00
Mozuok lītuotuos i apdraudātuos volūdys spielej byutysku lūmu demokratejā i sabīdreibys salīdieteibā, kam, pasasokūt vītejim aktivistim, teik īsaisteiti dzeivuotuoji i ītekmāti politiskī lāmumi. Diskusejā tiks apsavārti pīmāri nu Zīmeļvaļstu i Baļtejis volūdu kūpīnom, kas ar[...]