Itūnedeļ Latvejis Redejis 5 – Pieci.lv interneta vītnē suocs skanēt jauns muzykys kanals „Latgalieši”.

Internetā klausomajā kanalā latgaliesi.pieci.lv teik pīduovuota Latvejā radeita muzyka, apkūpojūt muzyku latgalīšu volūdā. Izskanēs gon jau popularitati i atpazeistameibu īgivušys latgalīšu grupys kai „Borowa MC”, „Bez PVN”, „Dabasu Durovys”, „Kapļi”, „Rikši”i Sovvaļnīks, gon ari cyti Latvejā pagaidom mozuok zynomi izpiļdeituoji.

Jaunajā interneta kanalā tiks puorstuovāti dažaidi muzykys žanri: pop, rock, folk i underground. Latgalīšu muzykys eksperts Tenis Bikovskis, kurs ir kanala „Latgalieši” veiduotuojs i Latvejis Radejis korespondents Latgolā, informej, ka dreizumā kanalu paradzāts papyldynuot ar daudzveideigim raidejumim latgalīšu volūdā, kab klauseituojus cytvīt Latvejā īpazeistynuotu ar Latgolys regiona aktualitatem i latgalīšu bogotū kulturu.