Viesturis šaļteņu pīturā itūmienes par Latgolys staraverim

Viesturis šaļteņu pīturā itūmienes par Latgolys staraverim

Kai jau kotru mienesi, ari februarī Latgolys Kulturviesturis muzejā (Atbreivuošonys alejā 102) nūtiks Viesturis šaļteņu pītura. 13. februarī 14 stuņdēs kūpā ar viesturis pietnīku, Rēzeknis staraveru kopi draudzis prīšksādātuoju Vladimiru Nikonovu byus vareiba īpazeit Latgolys staraveru viesturi.

Vacticeibys, kas roduos krīvu pareizticeibys škeļšonuos rezultatā, īsavīsšona Latvejā saistuos ar 1659. godu, kod īsaroda pyrmuos organizātuos staraveru grupys, nu 1660. godā natuoli nu Dinaburgys Liginišku cīmā tyka izcalts pyrmais staraveru lyugšonu noms. 17. i 18.gs. nūtyka lela staraveru puorceļuošona iz Latvejis teritoreju, puorsvorā Latgolu. 17. – 20. gs. Latgolā dybynuotys 42 staraveru draudzis.

Kaidi beja īmasli intensivajim migracejis procesim divarpus godu symtu garumā? Cik lyugšonu nomu izcalts i kuri ir īvāruojamuokī? Voi zynuot, ka 1920. goda 4. novembrī Rēzeknē nūtyka 1. Latvejis staraveru kongress?

Atbiļdis iz itim i cytim vaicuojumim teik sūleits atkluot pasuokumā.

Īīšona: školānim, studentim 0,80 €, pīaugušajim 1,50 €.

Karteņa: Rēzekne. Krutovys (Kristus apskaidruošonys) lyugšonu noms, 1910. godi. Foto nu V. Nikonova arhiva.

Print Friendly, PDF & Email

Kalenders

Feb
22
Cat
10:00 Seminars “Konfesionālās attiecīb... @ Latvejis Universitatis Latvejis viesturis instituts
Seminars “Konfesionālās attiecīb... @ Latvejis Universitatis Latvejis viesturis instituts
Feb 22 @ 10:00 – 12:00
22. februarī 10.00 stuņdēs kluotīnē, Kalpaka bulvarī 4, 108. telpā nūtiks seminars LU Latvejis viesturis instituta akademiskuo omota pretendentim. Tymā tiks snāgts ziņuojums par īprīšk sagataveitu temu.   Seminara programa: 1. Tatjana Bogdanoviča. “Konfesionālās attiecības[...]