Reigā izstuožu centrā Kīpsolā nu 27. februara leidz 1. martam nūtiks storptautiskuo gruomotu i izdevnīceibu izstuode „Latvijas Grāmatu izstāde 2015”.

Izstuodē kai ik godu daleibu ar latgalīšu gruomotu goldu jims ari bīdreiba „Latgolys Studentu centrs”, pīduovojūt vīnuvīt latgalīšu literaturu, gruomotys latgaliski i par Latgolu, kai ari suvenirus i latgalīšu muzykys diskus.

Uzmaneibu! Konkurss!

„Latgolys Studentu centrs” pīduovoj laimēt īlyugumus iz izstuodi. Kab tyktu pi 2 īlyugumim, juoatbiļd iz vīnu nu vaicuojumim:

• Kaida i deļ kam ir tova meiluokuo latgalīšu gruomota?
• Kaidu i deļ kam latgalīšu gruomotu tu grybātu puorskaiteit?

Ar latgalīšu gruomotu dūmuota sevkura gruomota latgaliski ci gruomota par Latgolu ari cytuos volūduos.

Atbiļdi iz vīnu nu vaicuojumim, nūruodūt gruomotys nūsakumu i autoru, syuti iz epostu info@lakuga.lv leidz 24.februara pusnaktei, nūruodūt sovu vuordu, pavuordi i telefona numeri. Kai eposta temu nūruodeit “Konkurss”.

Divi konkursa uzvarātuoji tiks nūteikti izlūzis ceļā, i paziņuoti LaKuGys kontūs fb.com i twitter.com. Ar uzvarātuojim sasazynuosim personeigi.

Vaira par izstuodi pasuokuma sātys lopā.