12. martā Aglyunys vydsškolā 12.00 nūtiks dasmytuo Latgolys lauku školu jaunradis konkursa nūslāguma pasuokums, kas veļteits nūvodneicai, dzejneicai Naaizmērstulei.

Itūgod sajimti 170 rodūšī dorbi i 55 ilustracejis nu Latgolys regiona školānu (nu 41 Latgolys školys). Konkursa rodūšūs dorbus viertej namaineiga žūreja pīcu cylvāku sastuovā: Monika Pušņakova, Valentina Ondzule, Anita Vaivode, Vija Ancāne, Didzis Vanags. Itūšaļt vysi dorbi ir jau puorskaiteiti i izviertieti. Ilustraceju viertiešonā pīsadola Daugovpiļs Dizaina i muokslys vydsškolys “Saules skola” puorstuovis Vija Kovaļkova i Dace Abricka. Vysus dorbus izviertēs ari simpateju bolvu duovuotuoji.

Organizatori uzsver, ka konkursa nūslāguma pasuokuma dalinīkus gaideis ari vairuoki puorsteigumi.