Viesturis šaļteņu pīturā martā par Rēzekni 20. gs. ūtrajā pusē

Viesturis šaļteņu pīturā martā par Rēzekni 20. gs. ūtrajā pusē

10. martā 14.o0 Latgolys Kulturviesturis muzejā (Atbreivuošonys alejā 102, Rēzeknē) Viesturis šaļteņu pīturys ītvorūs tiks apsavārts iz Rēzeknis viesturis pūsmu, kas saistuos ar laiku piec 1940. goda aba par laiku, kod Latveja atsaroda Padūmu Savīneibys sastuovā.

Suocūtīs II Pasauļa karam, ari Latveju i Rēzekni skuore īvāruojamys puormainis, nikas nabeja kai ogruok – piļsāta pagaisynuoja sovus cylvākus, izskotu, kuormus, nu vāluok tei 50 godu garumā mainejuos da napazeišonys, tyka pi taidys sejis, kaidu vēļ daudzvīt varam redzēt šudiņ. Jau 1944. goda rudinī nūtyka sanuoksmis Rēzeknis atteisteibys plānuošonys i rekonstrukcejis vaicuojumā. Saleidzynojūt ar 1940. godu, ryupnīciskuo ražuošona 1985. godā beja pasalelynuojuse vaira nakai divsymt reižu.

Viesturis šaļtenis pīturys ītvorūs byus vareiba īsavērt Ūtruo pasauļa kara laika nūdareitajūs pūstiejumūs, kod Rēzekne pagaisynoj leluokū daļu sovys apbyuvis, kai ari pieckara piļsātys atteisteibā, tuos atjaunuošonā i ceļtnīceibā.

Īīšona: pīaugušajim 1,50 EUR, školānim 0,80 EUR.

Karteņa nu Latgolys Kulturviesturis muzeja kruojuma – Dzeivojamūs sātu ceļtnīceiba 60. godūs.

Print Friendly, PDF & Email