Latgola teik īpazeistynuota ar dzejis gruomotu “Dzeive bez mane Jākubpilī”

Latgola teik īpazeistynuota ar dzejis gruomotu “Dzeive bez mane Jākubpilī”

dzeive bez mana Jakubpili mozaisLatgalīšu literaturys cīneituojim i cytim interesentim viertiešonai teik nūdūts jaunuokais veikums latgalīšu literaturā – gruomota “Dzeive bez mane Jākubpilī”. Dzejis ryndu autori Graf Orzeł, Kņazs Rasickis i Džereņu Pyrmais kūrfirsts da šam plošuokai sabīdreibai nav zynomi. Kai stuosta gruomotys izdevieja Intelektualū ļaužu apvīneibys “Korporaceja – Delta. Mopeds” puorstuovs, itys ir autoru jubileja kruojums.

Dūma par gruomotys izdūšonu tykuse apsprīsta jau seņ, jo Latgolā pītryukst literaturys, koč dzejis almanahi i izlasis teik drukuotys kotrā piļsātā. Nu tuos nav pīejamys leluokom ļaužu masom, i na vysod gribīs īt iz gruomotneicu ci biblioteku piec jaunuokuos gruomotys. Jamūt vārā itū faktu, autori gruomotu izdūd elektorniskā formatā, kab tei byutu pīejam vysim i vysur.

Sevkuram ir īspieja lejupluodēt bez moksys gruomotu ite.

Dzejis kruojumā ir treisdesmit dzejūli i četrys ilustracejis. Gruomota saraksteita četruos dīnuos, nu iz jū īts ir četri godi.

Tuoļuokī autoru plani paredz gruomotys prezentaceju i izbraukumus pa dzeraunis bibliotekom. Rēzeknē gruomotys prezentaceja nūtiks jau itymā pīktdinē (13. martā) Ausmeņa Kebabs, suokums 20:15. Leidza jaunumim var sekuot ari twitter.com/LifeNoMeJpils.

 

 

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]