Muokslinīkus aicynoj dasasaceit pleneram Rēzeknē

Muokslinīkus aicynoj dasasaceit pleneram Rēzeknē

Deveitū godu piec kuortys pavasarī – itūgod nu 25. da 31.maja – Rēzeknē nūtiks IX Storptautiskais muokslinīku pleners “Domas lidojums”, kura moto itūreiz ir “Rēzeknei – 730!” Muokslinīki teik aicynuoti tam dasasaceit da 11. maja.

Tradicionali plenerā teik gaideiti i vītejī muokslinīki nu Rēzeknis i cytu Latvejis piļsātu i nūvodu, i ari nu cytu vaļstu. Paguojušajā godā rodūšys idejis vaicuoja i tūs pīpiļdejumu gleznuos atkluoja muokslinīki nu Rēzeknis, Leivuona, Krystpiļs, Modyunis, Lelvuordis, Jelgovys, Lopmežcīma, Jiurmolys, Reigys, kai ari gosti nu Lītovys, Ukrainys, Boltkrīvejis i Krīvejis.

Plenera pīcuos dīnuos (pyrmajā i pādejā ir paradzāta dalinīku atbraukšona i aizbraukšona) muokslinīkim ir vareiba gleznuot jaunū, vacū, sovejū, svešū, nu myužam maineigū Rēzekni. 30. majā muokslys i muzykys festivala “Sevenhills” ītvorūs tiks reikuota plenera dorbu izstuode.

Organizatori plenera dalinīkim nūdrūšynoj:

  • Nakšņuošonu (nu 2.05. – 30.06. / 6 nakts)
  • Ādynuošonu (6 brūkaškys / 5 pušdīnis / 6 vakarenis) tim dalinīkim, kuri nav nu Rēzeknis; dalinīkim, kuru dzeivisvīta ir Rēzekne, teik nūdrūšynuotys pušdīnis.
  • Audums uz rama, gruntāts 50×50 cm, 1 gob.

Plenēra dalinīkim pošim juonūdrūšynoj :

  • Vysi gleznuošonys pīdarumi (gadīnī, ka nagryb jimt leidza, vysu var nūpierkt Rēzeknē, nu organizatori tū naapmoksoj).
  • Ceļš iz Rēzekni i atpakaļ iz sātu.
  • Dīnys i komandiejuma naudys.

Kotrs plenera dalinīks organizatorim duovoj vīnu nu plenera dorbim, kuru izavielej organizatoru puorstuovs. 

Plenera programa:
25. majs, pyrmūdīne
Plenera dalinīku īsarasšona Rēzeknē.
Sasapazeišonys vokars – vakarenis, aizdavumi i vaicuojumi.
26. – 29. majs, ūtardīne-pīktdīne
Pleners
30. majs, sastdīne
Plenera dorbu izstuodis sagataveišona i izvītuošona.
12.00 – 17.00 Plenera dorbu izstuode muokslys i muzykys festivala “Seven Hills” ītvorūs.
31. majs, svātdīne
Dalinīku braukšona iz sātu.

Dasasaceišona daleibai muokslinīku plenerā “Domas lidojums 2015” da 11.maja, nūsyutūt aizpiļdeitu dasacejuma veidlopu pa e-postu: maija.breke@rezekne.lv

Karteņā: Storptautiskuo muokslinīku plenera “Domas lidojums” dorbu izstuode Rēzeknē, 2014. goda 31. majs. Rēzeknis Kulturys i Turisma centra foto

Kalenders

Oct
24
Cat
20:00 Puosoku vokors “Losom latgaliski!” @ tīšsaistē
Puosoku vokors “Losom latgaliski!” @ tīšsaistē
Oct 24 @ 20:00 – 21:00
Nu 14. oktobra da 14. novembra Dagdys kulturys centra Facebook lopā kotru pyrmūdīni i catūrtdīni 20.00 stuņdēs bārni i jūs vacuoki varēs klauseitīs latgalīšu literatis Egitys Kancānis saraksteituos “Jaņča puorsokys”, kū skaiteis Kruoslovys nūvodā zynomi cylvāki. Taipat bārnim[...]