Preiļūs nūtiks gruomotys “Latgales sāga” prezentacejis pasuokums

Preiļūs nūtiks gruomotys “Latgales sāga” prezentacejis pasuokums

latgales saga

17. martā 16.00 Preiļu Golvonajā bibliotekā nūtiks Luānys Loinertis gruomotys “Latgales sāga” prezentacejis pasuokums, kurymā pīsadaleis gruomotys autore Luāna Loinerte i golvonuo varūne Monika Sedola.

Luāna Loinerte ir vairuoku romanu autore. Zynomuokī ir “Reiz Čigānijā” i “Cerība”.

Romans “Latgales sāga” stuosta par Latgolys ļaužu liktinim – Skuteļu i Sedolu dzymtom –, kas ar saknem vysod ir bejuši dzymtajūs lauku plašumūs, 20. godu symta vātrem eimūt puori i mainūt jūs dzeivis da napazeišonys. Dzymtys romans ir īskots na tik Latgolys ļaužu sirdīs i dvēseļu dzeivē, nu ari Latvejis viesturis krystpunktūs, kur kluotyn latvīšu tautys liktinim ir atspīgeļuotys Latvejis viesturisku personeibu izškirūšys šaļts. Viesturiskūs olūtu izmontuojums i romana varūņu taišnys īsaistis viesturis grīžu nūtikšonuos padora romanu par daudzdimensionalu sirdi i pruotu boguotynūšu gruomotu.

Gruomotys “Latgales sāga” golvonuo varūne Monika Skutele-Sedola ir dzymuse 1921. godā Latgolā, Preiļu pogostā. Monikys dzymtys dzeivis stuosts ir kai naizsmeļams skaidruos dvēselis olūts, nu kura var smeļtīs vīlu i padūmim, i puordūmu šaļtim. Partū rakstneica izdūmuoja pīraksteit romanu par Moniku Skuteli-Sedolu, kura ir gondreiž tikpat vaca kai Latveja i vyss, kas nūtyka Latvejā, atsaspīgeļoj ari Monikys dzymtys liktiņūs.

Print Friendly, PDF & Email