Kolnasātys studejā sportiste Žanna Čingule. Jei ir desmitkuortieja Latvejis i divkuortieja pasauļa čempione armrestlingā aba rūku lausšonuos sportā. Niu Žanna plānoj, kai aizbraukt iz armrestlinga čempionatu Malaizejā i uzvarēt vēļreiz. Jei stuosta, parkū sīvīšu armvrestlingā ir moz, kai audzej meistareibu, sasacenšūt ar veirīšim i tū, cik cīši gryb aizbraukt iz Malaizeju i dabuot trešū Pasauļa čempionis titulu.

Raidejumā skaidroj ari tū, kurs atbiļdeigs par nūvuortā pamastim pīmineklim. Latgolā naseņ pastateiti vairuoki jauni pīminekli – dzejnīkam i sabīdryskajam darbinīkam Ontonam Kūkuojam, kardinalam Julianam Vaivodam, taidu plānoj ari latgalīšu gruomotu izdeviejam Vladislavam Luočam. Teņs Bikovskis īrokstā skaidroj, kas nūteik ar jau asūšajim pīmineklim, voi tī nav aizmiersti i naapkūpti vacūs kopūs voi ceļmoluos, i vaicoj, kam par tim juosaryupej?

Pīminekļu tematu turpynoj ari Valentins Lukaševičs i Arņs Slobožanins. Jī vuordneicā runoj par atguoduošonu, pīminiešonu i tū, kai nūsaukt laiku, kurā dzeivojam.

Raidejumu klausīs ite.