Raidejums “Pi myusim Latgolā” izvierzeits Calmlauža bolvai

Raidejums “Pi myusim Latgolā” izvierzeits Calmlauža bolvai

20. martā Reigā, Spīkeru koncertzalā nūtiks Radejis i televizejis dīna, kuruos ītvorūs, tiks padūta Calmlauža bolva par rodūšu inovaceju Latvejis elektroniskūs plošsazinis leidzekļu darbeibys jūmā aizvadeitajā godā. Itūgod Calmlauža bolva tiks padūta jau trešū reizi i tai izvierzeits ari producentu grupys “Lietišķā Latgale” veiduotais radejis raidejumu cykls “Pi myusim Latgolā”.

Naseņ pi klauseituoju atsagrīze producentu grupys “Lietišķā Latgale” veiduotais kasnedelis raidejumu cykls “Pi myusim Latgolā”, turpynojūt informēt klauseituojus par nūtikšonom i aktualitatem Latgolā, diskutēt par kulturys i socialajim procesim Latgolā, kai ari stuosteit par tim, kuri dzeivoj i struodoj Latgolā i ituo regiona lobā. Raidejumu cykls ar Nacionaluos Elektroniskūs plošsazinis leidzekļu padūmis (NEPLP) atbolstu tūp jau nu 2012. goda.

Itūgod NEPLP, kūpā ar vēļ 11 nominantim, raidejumu cyklu “Pi myusim Latgolā” izvierzejuse Calmlauža bolvai. Nominantu vydā ir ari Latvejis jaunatkluošonys raidejums “TE!”, Lattelecom TV kanals “Kultūra 360TV”, Vydsdaugovys televizeja, LR raidejums “Zināmais nezināmajā”, LTV koncerts “Born in Riga”, radeja “Pieci.lv”, televizejis kanals Rīga TV24, Radeja NABA, “Pieci.lv” raidejums “Neērtie jautājumi”, LTV raidejums “Aizliegtais paņēmiens”, kai ari LTV7 saturs krīvu volūdā.

Calmlauža bolva ir atzineibys aplīcynuojums, kas teik pīškierts par rodūšu inovaceju Latvejis elektroniskūs plošsazinis leidzekļu darbeibys jūmā īprīkšejā godā. Bolvu var pīškiert Latvejā registrātam elektroniskajam plošsazinis leidzekļam, naatkareigajam producentam voi individualam pretendentam. Bolvys pretendentus izvierzej NEPLP lūcekli atbylstūši sovom atbiļsteibys jūmom.

Print Friendly, PDF & Email

Kalenders

Jun
20
Cat
15:00 Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Jun 20 @ 15:00 – 16:30
20. junī 15.00 stuņdēs Daugovpiļs Nūvodpietnīceibys i muokslys muzejā tiks atkluota etnografejis izstuode nu muzeja kruojuma “Atpakaļ mājās”. Izstuodē eksponāti autentiski prīškmati, kas tyka lītuoti 20. g. s. pyrmajā pusē – dorbareiki, sadzeivis prīškmati. Etnografejis[...]