Preiļūs nūtiks Gruomotu svātki
27. martā 11.00 Preiļu KN tiks atkluoti Preiļu nūvoda Gruomotu svātki.
Kai jau īrosts, vysys dīnys garumā – jau nu 9.30 da 15.00 – pasuokuma ītvorūs nūtiks gruomotu komercizstuode, kur pīsadaleis Latvejis zynomuokuos izdevnīceibys (“Lauku Avīze”, “Zvaigzne ABC”, “Jumava”, “Nordik” i cytys), taipat byus vareiba īsaguoduot gruomotys ari Latgolys Studentu centra gruomotu goldā.
Pasuokuma gaitā nūtiks publiskuo diskuseja par atbolsu uzjiemiejdarbeibai, kurymā pīsadaleis 12. Saeimys deputati, taipat tū, kai byut par sātys ražuotuoju stuosteis “Siera klubs” vadeituoja Vanda Davidanova.
Dīnys laikā vareiba sasatikt ar dažaidim rakstnīkim byus i bārnim, i pīaugušajim. Taipat nūtiks ari Zemissardzis demonstriejumi, bet pasuokuma nūslāgumā nūtiks tradicionaluo gruomotu izlūze, kai ari byus vareiba redzēt izruodi “Boņa sīvītis” Preiļu nūvoda BJC teatra grupys “Kājām gaisā” izpiļdejumā.
Pylnu pasuokuma programu var apsavērt ite.
Leidzeigī roksti:
Nūtiks Latgolys dīna Reigā Augusts 7, 2020 
Latgalīšu i angļu volūdā izdūta Andryva Jūrdža biografeja Augusts 17, 2020 
Izstuodē var izzynuot Raiņa i Aspazejis bibliotekys nūslāpumus Septembris 16, 2020 
