Ilze Sperga nomināta Latvejis Literaturys goda bolvai

Ilze Sperga nomināta Latvejis Literaturys goda bolvai

Latvejis Literaturys goda bolvys (LaLiGaBa) ekspertu komiseja nūsaukuse bolvys nominantus. Nominacejā par spylgtuokū debeju izvierzeita ari Ilze Sperga par stuostu kruojumu “Dzeiveiba”. Laureati tiks paziņuoti i gūdynuoti Latvejis Literaturys goda bolvys ceremonejā, kas nūtiks 24. aprelī Latvejis Dzeļža ceļa viesturis muzejā.

Kategorejā “Spylgtuokuo debeja literaturā” nominātys: Ilze Sperga par stuostu kruojumu “Dzeiveiba”, Daina Tabūna par stuostu kruojumu “Pirmā reize” i Katrīna Rudzeite par debeja dzejis kruojumu “Saulesizplūdums”.

Taipat storp nominantim kategorejā “Lobuokais prozys dorbs” nomināts ari Ingys Ābelis romans “Klūgu mūks”, kura golvonuo varūņa prototips ir Fraņcs Trasuns.

Kūpumā nominanti izvierzeiti pīcuos kategorejuos – lobuokais dzejis kruojums, lobuokais prozys dorbs, lobuokais originalliteraturys dorbs bārnim, lobuokais uorvaļstu literaturys tulkuojums latvīšu volūdā i spylgtuokuo debeja –, kai arī pīškiertys divejis specialbolvys – par īguļdejumu literaturzynuotnē, kai ari myuža īguļdejumu.

Bolvys sajiemiejs kotrā nu nominaceju tiks izvālāts LaLiGaBa ekspertu komisejis aizkluotā bolsuojumā aprelī i paziņuots i apbolvuots Latvejis Literaturys goda bolvys ceremonejā 2015. goda 24. aprelī 18.00 Latvejis Dzeļža ceļa viesturis muzejā. Bolvu sajiemieji tiks pi naudys bolvu, kai ari bolvys simboliskuo veidūla – LaLiGaBa lampys. Bolvys padūšona tīšraidē tiks translāta lsm.lv i Latvejis Radejā 1.

Latvejis Literaturys goda bolvys ekspertu komisejā struoduoja i 2014. goda literarū veikumu izviertieja literaturkritiks i rakstnīks Guntis Berelis, dzejnīks Aivars Eipurs, dzejnīks i tulkuotuojs, žurnala “Latvju Teksti” redaktors Guntars Godiņš, publicists, portala “Satori.lv” redaktors Ilmārs Šlāpins, dzejneica, literaturzynuotneica i literaturys školuotuoja Iveta Ratinīka, rakstneica Dace Rukšāne-Ščipčinska, gruomotu dizainere Rūta Briede, dzejnīks Artis Ostups i literaturzynuotneica i literaturys školuotuoja Lita Silova.

Latvejis Literaturys goda bolva ir nūzeimeiguokuo goda nūtikšona literaturys nūzarē Latvejā. 2001. godā tyka suokta tradiceja kotru godu izviertēt literarū veikumu i pīškiert bolvys literaturā, kas skaitamys par profesionaluokū noviertiejumu i atzineibu izcyluokajim dorbim, kuri goda laikā izguojuši Latvejis rakstnīceibā. Nu 2010. goda par bolvu ryupējās Latvejis Rakstnīku savīneiba, Storptautyskuo Rakstnīku i tulkuotuoju sāta i Latvejis Literaturys centrs.

Print Friendly, PDF & Email

Kalenders

May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24. 
May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]