Nu 31. juļa da 2. augusta Leigatnis pogosta “Ratnīkūs” nūtiks storptautyskais muzykys festivals “Laba daba”. Storp pyrmajim izziņuotajim muokslinīkim ir ari latgalīšu muziki.

Festivalam eipašu akustisku programu ir sagatavejuse grupa “Green Novice”, taipat sovu daleibu ir apstyprynuojuse ari grupa “Krampis”.

Laika gaitā muziku saroksts tikšūt ari papyldynuots.

Festivala organizatori kūpumā sūlej pīduovuot lelu muziku i dīdžeju kluostu, aptverūt daudzus muzykys nūvierzīņus – nu ska i regeja da rokmuzykys, nu folk i pasauļa muzykys da vysaidu stilu dīdžeju prīšknasumim.

Itūgod festivalā teik plānuoti vairuoki jaunumi, kuru dieļ nadaudz tiks caltys ari festivala beletu cenys. Kai pīmārus var pīminēt satiksmis organizacejis izmainis, kas paradz vīnvierzīņa ībraukšonu festivalā, kai ari papyldus uzkūpšonys servisa pakolpuojumus i cytus jaunumus, kas atpyutu festivala gostim padareišūt vēļ komfortabluoku i pateikamuoku.

Juoatguodynoj, ka itys nabyus pyrmais gods, kod “Laba daba” skanēs muzyka latgaliski – jau īprīkš storp festivala dalinīkim bejuse folklorys kūpys “Laiksne” i “Rūžupis veiri”, kai ari Biruta Ūzuleņa.