Laura Bicāne aicynoj iz sova ūtruo albuma prezentacejis koncertu
![Laura Bicāne aicynoj iz sova ūtruo albuma prezentacejis koncertu](https://www.lakuga.lv/wp-content/uploads/2013/07/Laura-Bicane-KartenaL-E.Husare-1000x667-c-default.jpg)
17. aprelī Latgolys viestnīceibā GORS paradzāts dzīsmineicys Laurys Bicānis ūtruo muzykys albuma “Trīspuksti” prezentacejis koncerts.
Koncertā kūpā ar Lauru iz skotuvis byus radzami ari cyti muziki – Ieva Supjeva, Līne Dravnīce, Juoņs Kurševs, Norberts Skraucis, Artis Orubs, Kārlis Indrišonoks i Arņs Slobožanins.
Albumā “Trīspuksti” īkļautys 13 dzīsmis ar Egitys Terēzis Jonānis haiku tekstim i vīna eipaša dzīsme latgaliski.
Kai soka poša Laura: “Egita ir uzrakstejuse treisrindis, kuruos paslāpuse meļdeņu. Maņ ir izadevs atkluot tamuos īveitū muzykys pavedīni. Egitys dzejūli ir cīši sirsneigi i patīsi. Taidys ir ari ituos dzīsmis.”
Albums ir taps sadarbeibā ar Latgolys producentu grupu, kai ari ar Daugovpiļs nūvoda dūmis i Vyšku pogosta puorvaļdis atbolstu.
Albumu varēs īsaguoduot koncerta dīnā.