18. aprelī Kuorsovys nūvods pīduovoj pylnu dīnys izklaidis programu saimem i romantikim. Saplaukt lauku lobumu garšuos Jura dīnys tiergā, ļautīs pavasara vieja rūtaļom motūs i baudeit dzīsminīka Goran Gora koncertizvadumu “Ar skatu uz Debesīm”.

Dīna tiks suokta 11.00 Malnovys maizneicā “Dzīles” ar nasteidzeigom breivdīnu reitiškom uorpus sātys i boguoteigū Jura dīnys tiergu, kurā byus vareiba degustēt Latgolys sātys ražuotuoju produkceju, ekologiskus cyukgalis kiupynuojumus, poštaiseitu olu, svaigi spīstys sulys, sīrus, Latgolā augušus čajus, madu i aromatiskū “Dzīļu” maizi. Paraleli tierga rūseibai retro moto klubs “Rūsa vējā” pīduovuos izbraucīņus caur Malnovys muižys parku.

Piecpušdīnē 16.00 Kuorsovys kulturys nomā muzicēs dzīsminīks Goran Gora ar koncertizvadumu “Ar skatu uz Debesīm” – par cylvāka ceļu pi Dīva, mīlesteibu, par mums. Klauseituojim byus vareiba dzierdēt ari latvīšu dzejnīka Imanta Ziedoņa dzeju par Dīvu i mīlesteibu Janys Babris-Laimis izpiļdejumā. Koncertā savuoktī leidzekli tiks zīduoti Kuorsovys Augšamceļšonuos luteraņu bazneicys atjaunuošonai.

Vokorā 22.00 vysi teik aicynuoti izadoncuot pavasara balā Saļņovys kulturys nomā, kur muzicēs kapela “Dagdas muzikanti”.

Drukavuot