Laura Bicāne Daugovpilī prezentēs jaunū albumu
![Laura Bicāne Daugovpilī prezentēs jaunū albumu](https://www.lakuga.lv/wp-content/uploads/2013/07/Laura-Bicane-KartenaL-E.Husare-1000x667-c-default.jpg)
21. majā 18.00 Daugovpiļs nūvoda kulturys centrā paradzāts dzīsmineicys Laurys Bicānis ūtruo muzykys albuma “Trīspuksti” prezentacejis koncerts.
Albumā “Trīspuksti” īkļautys 13 dzīsmis ar Egitys Terēzis Jonānis haiku tekstim i vīna eipaša dzīsme latgaliski.
Kai soka poša Laura: “Egita ir uzrakstejuse treisrindis, kuruos paslāpuse meļdeņu. Maņ ir izadevs atkluot tamuos īveitū muzykys pavedīni. Egitys dzejūli ir cīši sirsneigi i patīsi. Taidys ir ari ituos dzīsmis.”
Albums ir taps sadarbeibā ar Latgolys producentu grupu, kai ari ar Daugovpiļs nūvoda dūmis i Vyšku pogosta puorvaļdis atbolstu.
Albumu var īsaguoduot doremi.lv, Latgolys Studentu centra gruomotu goldā, Daugovpilī veikalā “O!Marta”, Daugovpiļs nūvoda pošvaļdeibys agenturā “TAKA” voi personeigi pi dzīsmineicys.
Īīšona koncertā bez moksys.