Latgalīši pīsadaleis festivalā “Zobens un Lemess”
![Latgalīši pīsadaleis festivalā “Zobens un Lemess”](https://www.lakuga.lv/wp-content/uploads/2015/05/zobens-un-lemess-FI-1000x667-c-default.jpg)
10. i 11. junī Saukys dobys parkā nūtiks pyrmais folk/pagan/metal festivals “Zobens un Lemess”, kurymā pīsadaleis ari grupa “Green Novice” i Sovvaļnīks.
Festivals “Zobens un Lemess” turpynuos legendaruo Bluomis metala festivala tradicejis, kurys izabeidze pyrma pīcu godu. Reizē jaunais pasuokums kolpuos kai turpynuojums festivala “Baltijas Saule” īcerei vīnā pasuokumā puļcēt etniskuos muzykys i folkmetala cīneituojus.
“Zobens un Lemess” apvīnuos autentiskū i postfolkloru, smogū muzyku i senejūs ceiņu rekonstrukceju klubus. Saukys azara krostā byus senejūs omotnīku i karuotuoju apmetnis, kai ari uzastuos četru vaļstu vodūšuos folkmetala apvīneibys i daudzi cyti.