Latgolys muokslineicu glaznu izstuode Latgolys centralajā bibliotekā

Latgolys muokslineicu glaznu izstuode Latgolys centralajā bibliotekā

viva izstuode FI

Daugovpilī, Latgolys Centraluos bibliotekys Abonementā 3. junī 15:00 atkluos četru Latgolys muokslineicu izstuodi „V.I.V.A.”. Dorbu autoris ir Vēsma Ušpele, Ilze Griezāne, Vija Stupāne i Agra Ritiņa.

Kai roksta muokslys magistre i muokslineicu dorba vāruotuoja Evija Vasilevska, muokslineicu kūpejuo sadarbeiba patīsai ir kai spēle – tamā pīsadola spēlis vadeituojis i spēlē asam īsaisteiti ari mes, tī, kas veromēs, pietejom, prīcojamīs i raugom saredzēt jūs dorbūs tuos gleznīciskuos kvalitatis, puorlīcynūši rodūšuos dūmys spāku, kas myus saista i mudynoj otkon nu jauna sasatikt ar jūs radeitajom gleznom.

Četrinīka ilgstūšuo kūpsadarbeiba ir aplīcynuojums gleznuotuoju personeibu styprumam, partū ka tik puorlīcynuoti muokslinīki var tik ilgstūši struoduot vīns ūtram kluotyn, papyldynojūt vīns ūtru, saglobojūt individualū raksturu, vēļ vaira – tū izkūpūt i ar kotru rodūšū dorbu atruodeišonu publiski aplīcynuot, ka rodūšais individualais rūkroksts teik izkūpts vēļ piļneiguok.

Vysys gleznuotuojis ir nu Latgolys – Vija dzeivoj Preiļu nūvodā Kastīrē i audzynoj pīcus dālus, atrūnūt laiku ari gleznuošonai, kū jei ir vuicejusēs Latvejis Muokslys akademejis Latgolys filialē, ir muokslys bakalaurs.

Ilze kasdīnā voda Latgolys muokslys i omotnīceibys centra dorbu Leivuonā, ari LMA dabuojuse muokslys bakalaura gradu. Nūpītnai gleznuošonai pīsavārsuse nu 2006. goda.

Vēsma dzeivoj Maltys pogosta Garkolnūs i rodūšū spāku sevī  apsazynuojuse jau vydsškolys laikā, partū ari studējuse gleznuošonu LMA LF i dabuojuse muokslys bakalaura gradu.

Agrys rodūšais ceļš ir ilgstūšs i cīši saisteits ar juos kai pedagoga dorbu nu 1997. goda, ari jei studējuse LMA LF i vāluok dabuojuse ari magistra gradu muokslā LMA.

Kūpeiguo rodūšuo sadarbeiba aizasuokuse apmāram 2006. godā, kod muokslineicys suoce kūpeigi braukt plenerūs, kab, gleznojūt daleitūs pīredzē, puordzeivojumūs, atsapyustu, smaltūs spāku i puorlīceibu par izvālātuo rodūšuo ceļa vajadzeibu, partū ka tys, kū varim saukt par muokslu, ir atrads naatgrīzenisku izpausmi vysuos četruos personeibuos.

Print Friendly, PDF & Email

Kalenders

Jul
12
Pīk
all-day Fotoizstuode “Piecgarša” @ Storptautyskuo lidūsta "Reiga"
Fotoizstuode “Piecgarša” @ Storptautyskuo lidūsta "Reiga"
Jul 12 all-day
Pyrmūdiņ, 17. junī, īzeimejūt Juoņa dīnys nedeļu, Reigys storptautyskajā lidūstā tyka atkluota bīdreibys “Latgolys etnografiskuo viestnīceiba” latvīšu tautystārpim i tymūs apviļktajom mozajom lelem – Annužom – veļteituo fotoizstuode “Piecgarša”. Izstuode Reigā ir starts vasalai streipei[...]
18:00 Daņči @ Veseleibys sola
Daņči @ Veseleibys sola
Jul 12 @ 18:00 – 21:00
Daņči @ Veseleibys sola
18:00 Rēzeknis nūvoda dīnys @ Rēzeknis nūvods
Rēzeknis nūvoda dīnys @ Rēzeknis nūvods
Jul 12 @ 18:00 – Jul 14 @ 23:45
Rēzeknis nūvoda dīnys @ Rēzeknis nūvods