Itūgod Leivuonā tautys dzīšmu kēde byus latgalīšu volūdā

Itūgod Leivuonā tautys dzīšmu kēde byus latgalīšu volūdā

tautys dzismu kede Leivuona 2014Aizvadeitajā godā akcejis „Tautasdziesmu ķēde – garākās Rīgas ielas garumā” ītvorūs, dalinīkim veidojūt „cylvāku kēdi” nu vīnys Leivuona piļsātys rūbežys da ūtrai, tyka nūskaiteitys aptuveni 2000 latvīšu tautys dzīsmis. Tai kai pasuokums giva lelu atsauceibu, organizatorim roduos ideja akceju turpynuot i itūgod popularizēt taišni latgalīšu volūdu i kulturu.

Akceja „Lielā tautas dziesmu ķēde Līvānos – garākās Rīgas ielas garumā” itūgod nūtiks septembrī, kurys laikā muokslinīciskuos pošdarbeibys kolektivi, nūvoda īdzeivuotuoji i gosti tiks aicynuoti, veidojūt kēdi i nūdūdūt simbolisku „tautys dzīšmu komuli” nu rūkys rūkā, Leivuona piļsātys Reigys īlys garumā piec sovys izvielis skaiteit, izdzīduot ci nūdoncuot tautys dzīsmi latgalīšu volūdā.

Vīnlaikus Leivuona nūvoda Kulturys centrā byus Latgallīšu tradiceju škola – latgalīšu rūtalis i omota prasmju darbneicys – slūtu sīšona, mārrutku reiviešona, svīksta kuļšona, fotodarbneica „Esi latgalietis” (īspieja nūsabiļdēt latgalīšu tautys tārpūs).

Projekts „Lielā latgaliešu tautasdziesmu ķēde un tradīciju skola – nemateriālā kultūras mantojuma saglabāšanai un popularizēšanai” teik eistynuots Latvejis vaļsts mežu atbaļsteituos Latgolys kulturys programys ītvorūs.

Karteņa: Dzīšmu kēde 2014. godā, Leivuona nūvoda dūmis publicitatis foto

Print Friendly, PDF & Email

Nūtikšonu kalendars

Nov
27
Svā
14:00 Gruomotys “Trusīni vessim reitā ... @ Lūznovys muiža
Gruomotys “Trusīni vessim reitā ... @ Lūznovys muiža
Nov 27 @ 14:00 – 15:30
Voi Latgola itaida byus myužeigi, voi vys tik tei puorsamej, koč kam pagaistūt, bet kam cytam īmūt vītā? Šveicis muzikis i muokslinīks Vinsents Flikigers (Vincent Flückiger), pavodūt Latgolā daudz laika, tū sovulaik īmyužynuojs zeimiejumu serejā[...]
19:00 Gruomotys “Welcome to Latgale, m... @ tīšsaistē
Gruomotys “Welcome to Latgale, m... @ tīšsaistē
Nov 27 @ 19:00 – 20:00
27. novembrī ceļu pi skaiteituoju suoks Pāvela Snasela gruomota “Welcome to Latgale, my heart”, informej pats autors. Tei ir dzejūļu i stuostu gruomota angliski, kurā var skaiteit par autora ceļuojumim iz Latgolu; juo dūmom i[...]