Telekompaneja LNT izveiduojuse dokumentalū kinu par izcilū kinorežisoru, kai ari gleznuotuoju, rakstnīku i omotnīku Juoni Streiču.

Streičs sova boguotuo rodūšuo myuža laikā veiduojs taidys izcilys kinolentys kai “Kapteiņa Enriko pulkstenis”, “Mans draugs — nenopietns cilvēks”, “Teātris”, “Nepabeigtās vakariņas”, “Limuzīns Jāņu nakts krāsā”, “Cylvāka bārns”, “Likteņdzirnas” i daudzys, daudzys cytys. Juoni Streiču vysvaira zynom kai kinorežisoru. Laikam ratais zyna, ka juo Reigys dzeivūklis ir pylns ar poša gleznuotim dorbim, nu Lītovys sātā saraksteitys gruomotys, kas sajāmušys lelu atzineibu. Izcilais veirs pasaulī guojs rotūs iz lauku ceļa, pyrmūs jis īraudzeja dabasus i varbyut taišni partū sirds juo vysu dzeivi vaduse pi muokslys i goreigom lītom. Dzims Preiļu pusē, padūmu laikūs slava jū reiz aizvaduse pat da Moskovys, nu niu dzeive īsakuortuojuse storp Reigu i Druskininkim Lītovā.

Karteņa nu LaKuGys arhiva