Da 2. augusta Daugovpiļs Nūvodpietnīceibys i muokslys muzejā, Reigys īlā 8, apsaverama Tautys lītiškuos muokslys studejis “Klūga” 35 godu jubileja izstuode “Draugu tikšanās”.

Tautys lītiškuos muokslys studejis “Klūga” pyrmsuokumi vaicuojami 1980. godā, kod Daugovpiļs Nūvodpietnīceibys i muokslys muzejā tyka nūdybynuota pinieju studeja. Itūšaļt 35 studejis dalinīkim ir pīškierts Tautys meistara gūda nūsaukums. Rodūšuo dūma i cylvāku aizrauteigais dorbs ir golvonī nūsacejumi panuokumim vysuos izstuodēs, kur ir pīsadalejuse studeja “Klūga”. Tuos dalinīki napuortraukti pylnveidoj sovu meistareibu, īvīš jaunus pinieju tehnikys pajiemīņus, uzloboj materiala apstruodis kvalitati, saglobojūt tuo dabiskuos īpašeibys. Studejis dalinīku dorbi ir apsaverami vysaidu vaļstu muzejūs: i vītiejā muzejā Daugovpilī, i Smoļenskys muzejā-rezervatā Krīvejā, i Polockys Franciska Skorinys vuordā nūsauktajā muzejā-rezervatā Boltkrīvejā, i muzejūs Francejā, Zvīdrejā i Anglejā.