2. julī 16.30 Daugovpiļs muola muokslys centrā tiks atkluota izstuode “Studijai “Latgale” – 35”.

Izstuodē tiks plaši paruodeits studejis keramiku daudzpuseigais pīnasums pūdnīceibys tradiceju saglobuošonā, keramiku jaunrade i vaicuojumi profesionaluos lītiškuos muokslys jūmā, laikmeteiguo dizaina dūmuošona, kotra studejis meistara individualitate i sovdabeiba. Izstuodis mierkis ir paruodeit Daugovpiļs studejis “Latgale” unikalitati, kuru veidoj pūdnīceibys vacmeistaru tradicejis pārjāmušūs meistaru kūpums, muokslinīki ar lītiškuos muokslys vydsškolys i muokslys akademejis izgleiteibu, kuri protuši paturēt sovā daiļradē nacionaluos regiona īzeimis, izveiduot kotrs sovu naatkuortojamū rūkrokstu i konkurētspiejeigi īsakļaut pasauļa laikmeteiguos muokslys plyusmā. Tei nav izstuode par Latgolys keramiku, nu keramiku Latgolā.

Izstuode byus apsaverama da 30. augusta.