“Zvirgzdenes Ziņģe” itūgod prīcynuos ar Latgolys šlāgermuzyku

“Zvirgzdenes Ziņģe” itūgod prīcynuos ar Latgolys šlāgermuzyku

18. julī Cyblys nūvoda Zviergzdinē jau 16 godu jubileju svieteis muzykys festivals “Zvirgzdenes Ziņģe”, kas itūgod pīduovuos vaira baudeit taišni latgalīšu radeitu muzyku.

Festivala organizatori uzsver, ka, saleidzynojūt ar cytim Latvejā nūteikūšajim muzykys festivalim, “Zvirgzdenes Ziņģe” ir peļnejuse diplomu kai vīna nu ilguokajom i stabiluokajom muzykys nūtikšonom. Tok pārņ festivala organizatori nadaudz “dabuoja pa mici” nu pasuokuma apmaklātuoju – asūt napamatuoti aizmiersts par Latgolys muokslinīkim.

Kab itū nataisneibu lobuotu, itūgod festivala organizatori ar lapnumu pīduovoj, kai poši soka, Latgolys muokslinīku zalta izlasi. Festivalu nu 21.00 suoks grupa “Dvinskas muzikanti”. Pyrmū godu pasuokumā pīsadaleis dzīduotuojs Eriks Gruzneņš. Nakts balā spielēs itūšaļt popularuokī Latgolys muokslinīki: grupys “Galaktika” i “Ginc un Es”. Jaunīšus izklaidēs dzīduotuojs Oskars Deigelis. Vizualu baudu saguoduos eksotiskuos deju studejis “Mantigra” doncuotuojis. Ari itūgod pasuokuma apmaklātuojim byus vareiba siļdeitīs pi leluo gunkura.

Beletus 5 eiro vierteibā var īsaguoduot “Biļešu Paradīzes” tierdznīceibys vītuos, kai ari pasuokumā iz vītys.

zvirgzdenes zinge

Kalenders

Oct
24
Cat
20:00 Puosoku vokors “Losom latgaliski!” @ tīšsaistē
Puosoku vokors “Losom latgaliski!” @ tīšsaistē
Oct 24 @ 20:00 – 21:00
Nu 14. oktobra da 14. novembra Dagdys kulturys centra Facebook lopā kotru pyrmūdīni i catūrtdīni 20.00 stuņdēs bārni i jūs vacuoki varēs klauseitīs latgalīšu literatis Egitys Kancānis saraksteituos “Jaņča puorsokys”, kū skaiteis Kruoslovys nūvodā zynomi cylvāki. Taipat bārnim[...]