Kai Latgolā atguodoj ebrejus i parkū mozpiļsātuos gondreiž nikas nalīcynoj par tū, ka tī dzeivuojuši ebreji, koč i leluokuo daļa Latvejis cylvāku skaita, ka informacejis par holokaustu ir puoruok daudz – par tū Kolnasātā saruna ar pietnīku Didzi Bierzeņu, raidejums sasazvona ari ar Kasparu Strodu, kurs bakalaura studejuos Rēzeknis Augstškolā pieteja Varakļuonu ebrejus.

Viesturis magistre, Latgolys Studentu centra prīšksādātuoja Vineta Vilcāne sovā komentārā rūsynoj diskuseju par tai sauktū “Latgolys karūgu”. Tys jau palics par aizlīgtū augli, medejūs dzierdams, ka karūgu naatzeist. Vineta Vilcāne vaicoj, cik puordūmuoti i precizi ir karūga simboli, kū tys reprezentej i parkū tū par sovu logo izmontoj “Latgales partija” i cytys organizacejis.

Vuordineicā vareiba izzynuot, kurs Kolnasātys veiduotuojs namuok mauduot. Valentins Lukaševičs i Arņs Slobožanins runoj par mauduošonūs, maudkuortu i maudmolu.

Raidejumu klausīs ite.