Pīcpadsmit godūs svātku dalinīku skaits ir divkuoršuojīs, ka na treiskuoršuojīs, partū organizatori aicynoj vysus iz sapratni, partū ka muziciešona kotru godu palīk ilguoka. Atsaverūt iz paguojušū godu, secynuots, ka vokora koncerts pusūtrys stuņdis garumā, kur pīsadola uorzemu grupys, ir lobs rysynuojums, kab vysim radeitu svātkus i ari vītiejī muzykanti varātu sajimt pīredzi, klausūtīs cytu vaļstu muzykantūs.

Kab nasarostu streideigys situacejas, itūgod muzykantim ļauts izavielēt, kurā pogostā pa dīnu muzicēt i kurā laikā jī gryb muzicēt nakts zaļumbalā. Ka byus vairuoki pretendenti iz vīnu laiku, tod organizatori patur tīseibys muziciešonys laikus korigēt.

Kai jau īrosts byus lelais zupys kotls i zaļumbala laikā dorbuosīs muzykantu telts, kur vysi varēs kūpeigai muzicēt, diskutēt, daleitīs atmiņuos.

Ka kaidam vajadzeiga naktssāta, var dūt ziņu pasuokuma organizatorim, kas pīduovuos lātuokūs rysynuojumus.

Svātku programa

11.00-12.00 Dalinīku īsarasšona i registraceja Viļānūs, Laksteigolu solā

12.00-13.00 Sasatikšona, reita kopejs.

13.00 Izbraukšana iz Viļānu nūvoda pogostim (kūpeigs nūvoda autobuss)

14.00-16.00 Akustiskī breivdobys koncerti pogostūs

• Viļānu pog. Radapolē (pi vacuo kantura)
• Viļānu pog. Jaunviļānūs (daudzdzeivūkļu sātu pogolmā)
• Sokolku pog. Strupļūs (estradē)

18.00-19.30 Svātku dyžais koncerts Laksteigolu solā (uorzemu muzykantu grupys nu Lītovys, Igaunejis, Boltkrīvejis i Krīvejis)

Nu 19.30 Nakts zaļumbals Laksteigolu solā  (muzicej vysi svātku dalinīki, kotra grupa 15-20 min., atkareibā nu svātku dalinīku skaita)

Lyugums svātku dalinīkim atsasaukt da 8. juļa, syutūt dasacejumu iz e-postu vilanu_kn@inbox.lv voi ivetadukalska@inbox.lv, voi iz posta adresu: Viļānu kulturys noms, Kulturys laukums 2, Viļāni, Viļānu nūv., LV-4650

Vaira informacejis:
Viļānu kulturys noma direktore Margarita Cakula, t. 28662346
Tautys muzykantu bīdreibys vadeituoja Iveta Dukaļska, t. 29167594

Dasacejuma anketa atrūnama Viļānu nūvoda sātys lopā.