Dacis Jangblūdis dzīsme “Muoseņas” izskaņ ari ASV

Dacis Jangblūdis dzīsme “Muoseņas” izskaņ ari ASV

Dzīsmineicys Dacis Jangblūdis (Youngblood), kas muzykys cīneituojim zynoma ari kai Dace Kaša, skaņdorbs “Muoseņas”, kas īraksteits viņgod majā Latvejā, nu ir piļneibā pabeigts i gotovs dūtīs pi sovu klausietuoju kai ASV, tai ari, prūtams, dzymtajā Latvejā.

Īroksti nūritēja Ata Auzāna studejā sadarbeibā ar muzikem Īvu Supjevu i Lauru Bicāni. Kūpā ar dzīsmineicu Daci Youngblood dzīsme aizceļuoja iz ASV, gatavejūt sovai debejai daudzu izaicynūšu apstuokļu, dūmu i emoceju kotlā. Nu niu gaumeigi dekorāta gleitā škeivī ir gotova likšonai izsolkušuos publikys goldā.

“Muoseņas” saraksteitys i izskaņ Dacis dzymtajā – latgalīšu volūdā. Itei volūda muokslineicai paleidz nūgiut emocejis dzejā vysskaidruok. “Skaņdorbs ir stuosts par muosom, kurys beidzūt atrūn mīru piec lelys vātrys sova tāva guodeibā. Dzīsmē īausta dūma i par dzimtinis mīlesteibu, i par sātys rasšonu tamā vītā, kur dzeive kotru nu mums aizvaduse”, plašuok stuosta dzīsmineica.

Dace dorbuojusēs muzykys jūmā nu 2001. goda. 2008. godā izdūts koncertīroksts “Uzdrošinājums” i 2010. godā izguoja dzīsmineicys pyrmais studejis albums “Ieskaujuošais vairākums”. Dacis muzyku raksturoj folkmuzikys elementi, blūza, gospeļa nūts i bardu dzīdojumi. Dzīsme “Sirsneņa” nu ituo albuma izapeļneja Latgolys kulturys goda bolvu “Boņuks 2010” kai lobuokuo alternativuo stila dzīsme. Dace ar sovu muzykalū sastuovu “Native Beauty Band” skandynuojuse dzīsmis pa vysu Latveju, kai ari pīsadalejuse vairuokūs muzykys festivalūs, kai “Positivus”, “Vislatvijas dziesminieku saiets”, “Rīgas ritmi”, “Bildes”, i sovys, i cytu muzykalūs apvīneibu sastuovūs.

Itūšaļt Dace ar sovu veiru Džefu dzeivoj Amerikā. Muziciešona vairs nav eisti kasdīna, kai tys beja Latvejā, tok dzīsme Daci naatstuoj, pat asūt tik lelā tuolumā nu zemis, kur ir juos saknis.

““Muoseņas” izskaņ kai veļtejums Latvejai, piec kurys itūšaļt tik cīši ilgojūs, i munai muosai Daigai, ar kuru kūpā tik daudzys reizis asam tynušuos syltuos villainēs, lai pasatvartu nu vātru,” soka Dace.

Dace sirsneigai pasasoka ituo projekta generalsponsorim – zemnīku saimisteibom “Amatnieki” i “Riekstiņi” Latgolā. I vysleluokuo pateiceiba Dīvam par vysom duovonom.

Dzīsmi īspiejams īsaguoduot maranathamusic.lv, amazon.com i Google Play veikalā.

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.