Grupa “Dvinskas muzikanti” pīduovoj videoklipu dzīsmei “Hei, bruoļ latgalīt”.

Grupa soka, ka, koč i video sižets ir komisks, zem tuo globojās dūma, ka dzeive dorbūs paskrīn cīši dreiži i mums namonūt laiks steidzās iz prīšku. Partū juosaprīcoj par kotru šaļti, kuru mes pavodom.

Ar itū dzīsmi “Dvinskas muzikanti” pīsadaleis ari Latvejis šlāgeraptaujis jaunajā pūsmā, kur cer sagaideit skateituoju i klauseituoju atbolstu.

Video ideja i scenarejs: Jurs Ostrovskis

Operators i režisors: Ainārs Blūzmans

Eipaša grupys pateiceiba atpyutys vītys “Dzintari” īpašnīkim Andrim i Siļvejai Razminovīčim, kai ari sorkonuo žyguļa saiminīkam Juoņam Baginskim i Piļskaļnis vidiejuos paaudzis deju kolektivam.