“Ginc un Es” jauna dzīsme “Muorys zemei”
Grupa “Ginc un Es” pīduovoj sovim klauseituojim jaunu originaldzīsmi “Muorys Zemei”.
Kur mes kotrys vyslobuok jiutamīs? Nūteikti daudzim nu myusu atbiļde byus – sātā storp sovejim. Tei ir tei vīta, kur asam dzymuši, auguši, nu kurīnis īt myusu saknis!
Dzīsmis teksta autore ir Leontine Apšineica, ar kuru īsuokta sadarbeiba jau paguojušajā godā, kod grupa “Ginc un Es” pīsadaleja patriotiskūs dzīšmu konkursā “Baltijas ceļam-25”. Muzykys autors ir Gints Ločmelis. Dzīsmis tapšonā lelu paļdis grupa soka Aldim Kisem par breineigu i dzīsmei eipašu nūskaņu veiduojūšu fagota skaniejumu, Andram Šīrantam par gitarys spēli i Kasparam Makam par studejis dorbim i bekvokalu.
Pi sovu klauseituoju “Ginc un Es” sūlej vēļ itūvosor dūtīs daudzūs festivalūs, aicynojūt tam sekuot leidza socialajūs teiklūs.
Leidzeigī roksti:
Nūtiks latgalīšu dzīšmu koncerts “Dzīšmu gruomota” Septembris 9, 2020 
Grupa “Dabasu Durovys” izdūd pīktū studejis albumu “Perimetrs” Septembris 28, 2020 
“Borowai Mc” jauns sings i video Augusts 17, 2020 
