“Rekavas dzintars” iz festivalu “Baltica” itūgod brauc jaunajūs zuobaceņūs

“Rekavas dzintars” iz festivalu “Baltica” itūgod brauc jaunajūs zuobaceņūs

Latgolys kulturys programys projektu konkursam pīteiktais projekts “Arheoloģiskie zābaciņi folkloras kopas “Rekavas dzintars” dalībniekiem” , kū īsnīdze bīdreiba “Dardedze”,  tics realizāts.

Folklorys kūpys “Rekavas dzintars” tārpi ir pošu saguoduoti piec Daņilovkys kopulaukā atrostūs tārpu parauga: lynu krakli, tymsi zyli vierstārpi, grīzaiņu jūstys i meitu golvys auti. Kūpejam tārpa vizualajam tālam cīši datryuka apavis – arheologiskūs zuobaceņu.  Pasasokūt projekta dūtajai vareibai, zuobaceni ir saguoduoti.

Projekta aizdavums beja 10 arheologiskūs zuobaceņu izgataveišona Viļakys nūvoda Škilbānu pogosta folklorys kūpys “Rekavas dzintars” dalinīkim. Kūpejuos projekta izmoksys 480 EUR, no kurim 400 EUR ir nu programys pīškiertais finansiejums i 80 EUR ir pošfinansiejums.

Projekta realizaceja nūtyka nu 2015. goda maja da juļa. Pasyutejumu veice apavis izgataveituojs  SIA “Kristāla kurpīte”  Rēzeknē.  Itys uzjāmums sovu omota prasmi pīruodejs izgatavejūt apavi (postolys, kūrpis, zuobaceņus, zuobokus) daudzim pošdarbeibys kolektivim. Kūrpnīks pīktajā paaudzē Andris Kačkāns ir izveidovs SIA “Kristāla kurpīte”. Paļdis Andrim par vīsmeileigū uzjimšonu i vierteigū golaproduktu!

Projekta realizacejis efektivitatis ruodeituoji byus pasokumu apmaklātuoji Eiropā, Latvejā, Latgolā, Viļakys nūvodā i Škilbānu pogostā, kuri prīcuosīs par tradicionalū muziciešonu pīviļceigajūs tārpūs.

Folklorys kūpys “Rekavas dzintars” dalinīki ir pateiceigi Latgolys regiona atteisteibys agenturai, Vaļsts kulturkapitala fondam i a/s “Latvijas valsts meži”  par vareibu papildynuot sovus tārpus ar arheologiskajim zuobacenim, realizejūt itū projektu.

Roksta autore: projekta vadeituoja Inese Cybule

projekta logo

Nūtikšonu kalendars