Vuordu salykums “Vieja bruoli” palics par metaforu vysim, kas ceļā ar mocikletu i nav svareigi, kurā Latvejis nūvodā satiksmis dalinīks ir mocikletists. Tok baikeru klubi ir vysur, ari Latgolā lepojās ar vairuokim. Valentins Lukaševičs itūreiz ir leidzbrauciejs baikeru klubam ar 15 godu stažu – “Leluo ceļa klaidūni”. Rakstnīkam, kurs pat autovadeituoja tīseibys nav dabuojs, itaids ceļuojums byus samārā ekstrems pīdzeivuojums. Viejs, spākrotu ryukūņa, Latgolys pakolni, celi i lelceli — 45 km ceļā Rēzekne – Kuorsova – Ludza spēs puorlīcynuot, ka klubā apsavīnuojušīs kungi i damys, kas ir na tik veiriškeigys valisprīcys entuziasti, nu ari nūvoda patrioti, kas sovus izbraucīņus apvīnoj ar viesturisku vītu apsavieršonu, ir vīsmīleigi i sirsneigi. Par kluba pīredzi stuosta “Leluo ceļa klaidūni” prezidents Andris Miseņš i kluba bīdrs nu tuo pyrmsuokumu Māris Vylcāns.